అక్షరటుడే వెబ్డెస్క్:Vijay Welfare Schemes| తమిళనాడు నూతన ముఖ్యమంత్రిగా బాధ్యతలు చేపట్టిన విజయ్, పాలనలో తనదైన ముద్ర వేస్తూ సంచలన నిర్ణయాలకు శ్రీకారం చుట్టారు. రాజకీయ అనిశ్చితికి తెరదించుతూ పగ్గాలు చేపట్టిన ఆయన, సామాన్య ప్రజల జీవితాల్లో వెలుగులు నింపేలా పలు ప్రజాకర్షక పథకాలకు శ్రీకారం చుట్టారు. ముఖ్యమంత్రిగా ఆయన చేసిన సంతకాలు ఇప్పుడు రాష్ట్రవ్యాప్తంగా చర్చనీయాంశమయ్యాయి.
Vijay Welfare Schemes|ఉచిత విద్యుత్, ఉచిత బస్సు ప్రయాణం..
టీవీకే (TVK) చీఫ్ హోదాలో ముఖ్యమంత్రిగా విజయ్ తన తొలి ప్రాధాన్యతను సామాన్యుల సంక్షేమానికి ఇచ్చారు. రాష్ట్రవ్యాప్తంగా 200 యూనిట్ల వరకు ఉచిత విద్యుత్ అందించే ఫైల్పై ఆయన తొలి సంతకం చేశారు. దీంతో మధ్యతరగతి, పేద కుటుంబాలకు కరెంటు బిల్లుల భారం తప్పనుంది. దీనితో పాటు, మహిళలకు ప్రభుత్వ బస్సుల్లో ఉచిత ప్రయాణ (Free Bus) సౌకర్యాన్ని కల్పిస్తూ తక్షణమే అమలులోకి తెచ్చారు. ఇవాల్టి నుంచే ఈ ఉచిత బస్సు సేవలు అందుబాటులోకి రావడంతో మహిళా ప్రయాణికుల నుంచి హర్షాతిరేకాలు వ్యక్తమవుతున్నాయి.
Vijay Welfare Schemes| డ్రగ్స్ రహిత రాష్ట్రమే లక్ష్యం..
మహిళల భద్రతకు అత్యున్నత ప్రాధాన్యం ఇస్తూ ముఖ్యమంత్రి విజయ్ రెండో సంతకం చేశారు. రాష్ట్రంలో శాంతిభద్రతలను కాపాడటంతో పాటు, మహిళలకు పూర్తి రక్షణ కల్పించేలా కఠిన చర్యలకు ఆదేశించారు. మరోవైపు, యువతను పట్టిపీడిస్తున్న మాదకద్రవ్యాల ముప్పును అరికట్టేందుకు ‘డ్రగ్స్ నిరోధక స్పెషల్ టీమ్’ (Anti-Drug Special Team) ఏర్పాటు చేస్తూ నిర్ణయం తీసుకున్నారు. డ్రగ్స్ రహిత తమిళనాడును నిర్మించడమే లక్ష్యంగా ఈ ప్రత్యేక బృందాలు పని చేయనున్నాయి. విజయ్ తీసుకున్న ఈ వరుస నిర్ణయాలు ఆయన పాలనా దక్షతకు నిదర్శనమని అభిమానులు, ప్రజలు కొనియాడుతున్నారు.
ఇది కూడా చదవండి: Inter Admissions | యథావిధిగా ఇంటర్ అడ్మిషన్లు.. సీఎం కీలక ఆదేశాలు
