అక్షరటుడే, వెబ్డెస్క్ : Chain Snatching Gang | ఒంటరి మహిళలు, వృద్ధులను లక్ష్యంగా చేసుకొని చైన్ స్నాచింగ్కు పాల్పడుతున్న ముఠా గుట్టును ఆదిలాబాద్ పోలీసులు (Adilabd Police) రట్టు చేశారు. ఈ ముఠాలోని మహిళలు వాంతులు చేసుకున్నట్లు నటించి, మహిళల మెడలోని ఆభరణాలను మాయం చేస్తారు.
మహారాష్ట్రలోని వార్ధాకు చెందిన ముగ్గురు మహిళలు, ఐదుగురు పురుషులు కలిసి ఒక గ్యాంగ్గా ఏర్పడ్డారు. వీరు కారు, ఆటోలో ప్రయాణిస్తూ.. ఒంటరి మహిళలను లక్ష్యంగా చేసుకుంటారు. ఒంటరిగా వెళ్తున్న మహిళలను ఆటోలో ఎక్కించుకుంటారు. అందులో మిగతా వారు అందరు ముఠా సభ్యులు ఉంటారు. అనంతరం ముఠాలోని ఓ మహిళా వాంతులు చేసుకున్నట్లు నటిస్తుంది. దీంతో బాధితులు దృష్టి మరల్చగానే మరో మహిళ ఆమె మెడలోని ఆభరణాలను మాయం చేస్తోంది. అనంతరం బాధితులను దింపేసి వెళ్తారు. ఈ ముఠాను పోలీసులు అరెస్ట్ చేశారు. ఈ మేరకు బుధవారం ఎస్పీ అఖిల్ మహాజన్ వివరాలు వెల్లడించారు.
Chain Snatching Gang | నాలుగు రాష్ట్రాల్లో..
వారం రోజుల ముందు ఈ ముఠా ఆదిలాబాద్ పట్టణంలో ఒక మహిళను ఆటోలో ఎక్కించుకుని, ఆమె మెడలోని బంగారు గొలుసును దొంగిలించారు. బాధితురాలి ఫిర్యాదు మేరకు కేసు నమోదు చేసిన పోలీసులు ప్రత్యేక బృందాలతో గాలించి నిందితులను పట్టుకున్నారు. విచారణలో నిందితులు ఆదిలాబాద్, నిర్మల్ జిల్లాలతో పాటు ఇతర రాష్ట్రాల్లో సైతం నేరాలకు పాల్పడుతున్నట్లు గుర్తించారు. వారి నుంచి 10 తులాల బంగారు ఆభరణాలు, ఒక కారు, ఒక ఆటోరిక్షా స్వాధీనం చేసుకున్నారు.
దీనిని కూడా చదవండి : SI Caught by ACB | రూ.40 వేల లంచం తీసుకుంటూ దొరికిన ఎస్సై
