అక్షరటుడే, వెబ్డెస్క్ : Street Dog Attack | హైదరాబాద్ (Hyderabad)లో దారుణ ఘటన చోటు చేసుకుంది. ఆడుకుంటున్న బాలుడిపై 10 వీధి కుక్కలు దాడి చేశాయి. ఈ ఘటనలో చిన్నారికి తీవ్ర గాయాలు కావడంతో ఆస్పత్రికి తరలించారు.మీర్పేట్లోని టీచర్స్ కాలనీలో వీధికుక్కలు బీభత్సం సృష్టించాయి.
ఇంటి సెల్లార్ పరిధిలో ఆడుకుంటున్న చిన్నారి అద్విక్పై దాడి చేశాయి. ఒకేసారి పది కుక్కలు బాలుడిపై విచక్షణరహితంగా దాడి చేశాయి. సోమవారం రాత్రి ఈ ఘటన చోటు చేసుకుంది. కుక్కల దాడిలో చిన్నారికి తీవ్ర గాయాలు అయ్యాయి. దీంతో కుటుంబ సభ్యులు వెంటనే ఓ ప్రైవేట్ ఆస్పత్రికి తరలించారు. బాలుడి పరిస్థితి విషమంగా ఉందని వైద్యులు తెలిపారు.
Street Dog Attack | వేసవి సెలవులకు వచ్చి..
సిద్దిపేటకు చెందిన అద్విక్.. వేసవి సెలవులు కావడంతో తన పిన్ని వాళ్ల ఇంటికి వచ్చినట్లు తెలిసింది. ఈ ఘటనపై సమాచారం అందుకున్న పలువురు మాజీ కార్పొరేటర్లు (Former Corporators) బాలుడిని పరామర్శించారు. బాలుడికి మెరుగైన చికిత్స అందించాలని కోరారు. భవిష్యత్లో ఇలాంటి ఘటనలు పునరావృతం కాకుండా చర్యలు తీసుకోవాలని కోరారు.
Street Dog Attack | కుక్కల స్వైరవిహారం
రాష్ట్రవ్యాప్తంగా వీధికుక్కలు స్వైరవిహారం చేస్తున్నాయి. చిన్నా పెద్ద లేకుండా అందరిపై దాడి చేస్తున్నాయి. ముఖ్యంగా చిన్నారులు ఒంటరిగా కనిపిస్తే కరుస్తున్నాయి. రాత్రిపూట బైక్పై వెళ్తున్న వారిని వెంబడిస్తున్నాయి. దీంతో వారు ప్రమాదాలకు గురి అవుతున్నారు. వీధికుక్కల బెడద నివారణకు ప్రభుత్వం, అధికారులు ఎలాంటి చర్యలు చేపట్టడం లేదు. దీంతో ప్రజలు తీవ్ర ఇబ్బందులు పడుతున్నారు.
ఇది కూడా చదవండి..: MMTS Train Cancel | పలు ఎంఎంటీఎస్ రైళ్ల రద్దు
