అక్షరటుడే, వెబ్డెస్క్ : Trump Warns Iran | అమెరికా అధ్యక్షుడు డోనాల్డ్ ట్రంప్ (Donald Trump) ఇరాన్కు మరోసారి వార్నింగ్ ఇచ్చారు. సోమవారం పాకిస్థాన్లో రెండు దేశాల మధ్య రెండో విడత చర్చలు జరగనున్నాయి. ఈ చర్చల్లో తమ ప్రతిపాదనను ఇరాన్ అంగీకరించకపోతే ఆ దేశంలోని ప్రతి ఒక్క విద్యుత్ ప్లాంటును, వంతెనను పేల్చేస్తామని బెదిరించారు.
ట్రంప్ ఇటీవల సైతం ఇరాన్పై పెద్ద ఎత్తున దాడులు చేస్తామని బీరాలు పలికారు. తీరా అర్ధరాత్రి వెనక్కి తగ్గిన విషయం తెలిసిందే. ఇరు దేశాల మధ్య రెండు వారాల పాటు కాల్పుల విరమణ (Ceasefire) ఒప్పందం కుదిరింది. ఇందులో భాగంగా ఇటీవల ఇస్లామాబాద్లో జరిగిన చర్చలు విఫలం అయ్యాయి. మరోవైపు ఇరాన్ ఓడ రేవులను అమెరికా దిగ్భందించగా.. హర్ముజ్ను ఇరాన్ మళ్లీ మూసేసింది. ఈ క్రమంలో ట్రంప్ ఆదివారం సోషల్ మీడియాలో పోస్ట్ చేస్తూ ఇరాన్కు వార్నింగ్ ఇచ్చారు.
Trump Warns Iran | నౌకలపై కాల్పులు
హర్ముజ్ జలసంధి (Strait of Hormuz)లో శనివారం ఇరాన్ నౌకలపై కాల్పులు జరపాలని నిర్ణయించుకుందని ట్రంప్ అన్నారు. ఇది మన కాల్పుల విరమణ ఒప్పందాన్ని పూర్తిగా ఉల్లంఘించడమేనని పేర్కొన్నారు. తమ ప్రతినిధులు పాకిస్థాన్లోని ఇస్లామాబాద్కు వెళ్తున్నారని, వారు చర్చల కోసం రేపు సాయంత్రం అక్కడ ఉంటారన్నారు. తాము చాలా న్యాయమైన, సహేతుకమైన ఒప్పందాన్ని ప్రతిపాదిస్తున్నట్లు పేర్కొన్నారు. ఇరాన్ దానిని అంగీకరిస్తారని ఆశిస్తున్నానని చెప్పారు. ఒకవేళ వారు అంగీకరించకపోతే, యునైటెడ్ స్టేట్స్ ఇరాన్లోని ప్రతి ఒక్క విద్యుత్ ప్లాంటును, వంతెనను నాశనం చేయబోతోందన్నారు.
Trump Warns Iran | మంచివాడిని కాదు
ఇకపై తాను మంచివాడిని కానని ట్రంప్ పేర్కొన్నారు. వారు వేగంగా, సులభంగా కూలిపోతారని వార్నింగ్ ఇచ్చారు. ఒకవేళ వారు ఈ ఒప్పందాన్ని అంగీకరించకపోతే, గత 47 ఏళ్లుగా ఇతర అధ్యక్షులు ఇరాన్కు చేసి ఉండాల్సిన పనిని చేయడం నాకు గౌరవంగా ఉంటుందన్నారు. ఇరాన్ హత్యా యంత్రాంగానికి ముగింపు పలకాల్సిన సమయం వచ్చిందన్నారు.
US President Donald Trump posts on his Truth Social, “Iran decided to fire bullets yesterday in the Strait of Hormuz — Total Violation of our Ceasefire Agreement! Many of them were aimed at a French Ship, and a Freighter from the United Kingdom. That wasn’t nice, was it? My… pic.twitter.com/06UfrKnXkV
— ANI (@ANI) April 19, 2026
ఇది కూడా చదవండి : Bab al-Mandeb Strait | బాబ్ అల్-మండేబ్ జలసంధిని మూసివేస్తాం.. హౌతీల సంచలన ప్రకటన
