అక్షరటుడే, ఆర్మూర్ : Adani Cement | విద్యార్థులకు నాణ్యమైన సాంకేతిక విద్యతో పాటు పరిశ్రమలకు అవసరమైన నైపుణ్యాలను అందించాలనే లక్ష్యంతో ఆర్మూర్ (Armoor) క్షత్రియ ఇంజనీరింగ్ కళాశాల ముందుకెళ్తోంది. ఈ క్రమంలో కళాశాల సివిల్ ఇంజినీరింగ్ విభాగం ప్రముఖ సంస్థ అయిన అదానీ సిమెంట్‌తో అవగాహన ఒప్పందం (MOU) కుదుర్చుకుంది.
Adani Cement | పారిశ్రామిక సందర్శనలు..
ఈ ఒప్పందం ద్వారా విద్యార్థులకు పారిశ్రామిక సందర్శనలు (Industrial Visits), ఇంటర్న్‌షిప్‌లు (Internships), పరిశ్రమల నిపుణులతో అతిథి ఉపన్యాసాలు (Expert Guest Lectures), ప్రత్యక్ష ప్రాజెక్టులపై మార్గదర్శకత్వం (Live Project Guidance) వంటి అవకాశాలు లభించనున్నాయి. ఈ ఒప్పందం విద్యార్థుల సాంకేతిక పరిజ్ఞానాన్ని పెంపొందించడంతో పాటు, పరిశ్రమల అవసరాలకు అనుగుణంగా వారి నైపుణ్యాలను అభివృద్ధి చేసేందుకు దోహదపడుతుందని కళాశాల యాజమాన్యం ఆశాభావం వ్యక్తం చేసింది.
కళాశాల సెక్రటరీ అండ్ కరస్పాండెంట్ అల్జాపూర్ దేవేందర్ మాట్లాడుతూ.. విద్యార్థులకు నాణ్యమైన విద్యను అందించడంతో పాటు, వారిని పారిశ్రామిక రంగానికి అవసరమైన నైపుణ్యాలతో తీర్చిదిద్దడమే కళాశాల ప్రధాన లక్ష్యమని తెలిపారు. అదానీ సిమెంట్‌తో కుదుర్చుకున్న ఈ ఒప్పందం విద్యార్థులకు పరిశ్రమల పనితీరును ప్రత్యక్షంగా తెలుసుకునేందుకు, నూతన సాంకేతిక పరిజ్ఞానాన్ని నేర్చుకునేందుకు, భవిష్యత్తులో మెరుగైన ఉద్యోగావకాశాలను అందిపుచ్చుకునేందుకు ఉపయోగపడుతుందని పేర్కొన్నారు. ఈ కార్యక్రమంలో ప్రిన్సిపాల్ డా. కటకం శ్రీనివాస్, కళాశాల అడ్మినిస్ట్రేటివ్ ఆఫీసర్ నరేందర్, కళాశాల సివిల్ ఇంజినీరింగ్ విభాగాధిపతి నెమలి దీపిక పాల్గొన్నారు.
ఇది కూడా చదవండి..: Hajipur Tiger Sighting | వామ్మో పెద్దపులి.. హాజీపూర్ వాసులను హడలెత్తిస్తున్న వైనం
