అక్షరటుడే వెబ్డెస్క్: Ambati Rambabu Case | మాజీ మంత్రి అంబటి రాంబాబుపై కిర్లంపూడి పోలీస్ స్టేషన్లో కేసు నమోదైంది. ముద్రగడ పద్మనాభం అంత్యక్రియల సందర్భంగా పోలీసుల విధులకు ఆటంకం కలిగించారని, సిబ్బందిని నెట్టివేశారని ఆయనపై కేసు నమోదు చేసినట్లు అధికారులు తెలిపారు.
Ambati Rambabu Case | ప్రభుత్వ లాంఛనాలతో..
ముద్రగడ పద్మనాభం ( Mudragada Padmanabham )అంత్యక్రియలను ప్రభుత్వ లాంఛనాలతో నిర్వహించాలని ప్రభుత్వం నిర్ణయించింది. అయితే, ముద్రగడ కుటుంబ సభ్యులు దీనిని తిరస్కరించి, తమ నిర్ణయం మేరకే అంత్యక్రియలు జరగాలని స్పష్టం చేశారు. ఈ గందరగోళం మధ్యలోనే పోలీసులు ప్రభుత్వ లాంఛనాల కోసం ఏర్పాట్లు చేశారు.
Ambati Rambabu Case | అభ్యంతరం వ్యక్తం చేస్తూ..
అంత్యక్రియల సమయంలో గార్డ్ ఆఫ్ హానర్ ఇస్తున్న తరుణంలో అంబటి రాంబాబు, మరికొందరు వైసీపీ నేతలు అభ్యంతరం వ్యక్తం చేస్తూ ఆందోళనకు దిగారు. ఆ సమయంలో తమను నెట్టివేయడంతో పాటు విధులకు ఆటంకం కలిగించారని ఏఆర్ ఎస్సై అప్పలరాజు, కానిస్టేబుళ్లు పోలీసులకు ఫిర్యాదు చేశారు. ఈ ఫిర్యాదు మేరకు అంబటి రాంబాబుతో పాటు మరికొందరిపై BNS 132, 3(5) సెక్షన్ల కింద ఎఫ్ఐఆర్ (FIR) నమోదు చేసి, కేసును దర్యాప్తు చేస్తున్నారు.
ఇది కూడా చదవండి: Kia Syros EV | ఒక్క చార్జ్తో 526 కి.మీ.. కియా సైరోస్ ఈవీ ఎంట్రీ
