అక్షరటుడే, నిజామాబాద్ అర్బన్: Anganwadi Development | అంగన్వాడీల అభివృద్ధికి కేంద్ర ప్రభుత్వం కృషి చేస్తోందని బీజేపీ రాష్ట్ర కార్యవర్గ సభ్యురాలు స్రవంతిరెడ్డి అన్నారు. అంగన్ మిలన్ సేవా సంపర్క్ కార్యక్రమంలో భాగంగా నగరంలోని అంగన్వాడీ కేంద్రాన్ని సందర్శించారు.
Anganwadi Development | 22వ డివిజన్లో..
నగరం (Nizamabad)లోని 22వ డివిజన్లో అంగన్వాడీ కేంద్రాన్ని సందర్శించిన గోపిడి స్రవంతి రెడ్డి అక్కడి చిన్నారులతో ముచ్చటించారు. ప్రభుత్వం ద్వారా అందుతున్న సౌకర్యాల వివరాలను టీచర్ను అడిగి తెలుసుకున్నారు. అంగన్ మిలన్ సేవ ద్వారా అంగన్వాడీల బలోపేతం, మహిళలు, చిన్నారుల పోషకాహారం, ఆరోగ్యంపై అవగాహన పెంచేందుకు కృషి చేస్తున్నామన్నారు. ఈ సందర్భంగా అంగన్వాడీ టీచర్ను సన్మానించారు. కార్యక్రమంలో డివిజన్ కార్పొరేటర్ వైష్ణవి, మహిళా మోర్చా జిల్లా అధ్యక్షురాలు మారెడ్డి వనిత, ఉపాధ్యక్షురాలు శైలజ, కార్యదర్శి స్వరూప, ఎస్సీ మోర్చా అధ్యక్షుడు పురుషోత్తం, సుధ, సురేష్, రాజేశ్వర్ పాల్గొన్నారు.
ఇది కూడా చదవండి..: Hotel Food Safety | హోటళ్లలో భోజనం చేస్తున్నారా.. రోగాలు కొనితెచ్చుకున్నట్లే..!
