అక్షరటుడే వెబ్డెస్క్:Australia Massage Abuse |ఆస్ట్రేలియాలో మసాజ్ థెరపీ పేరుతో మహిళలపై ఘోరానికి ఒడిగట్టిన భారత సంతతి వ్యక్తికి అక్కడి న్యాయస్థానం భారీ శిక్ష విధించింది. దాదాపు 61 మంది మహిళలను లైంగికంగా వేధించిన కేసులో నిందితుడికి 13 సంవత్సరాల 10 నెలల జైలు శిక్ష ఖరారైంది. అంతేకాకుండా, శిక్షా కాలం ముగిసిన వెంటనే అతడిని దేశం నుండి బహిష్కరించాలని (డిపోర్ట్ చేయాలని) కోర్టు సంచలన తీర్పునిచ్చింది.
Australia Massage Abuse | నకిలీ సర్టిఫికెట్లతో ఉద్యోగం..
అధికారుల వివరాల ప్రకారం.. ఢిల్లీకి చెందిన సుమిత్ (39) అనే వ్యక్తి 2011లో ఆస్ట్రేలియాకు వలస వెళ్లాడు. మసాజ్ థెరపీలో అతనికి ఎలాంటి అధికారిక అర్హతలు, లైసెన్స్లు లేవు. అయినప్పటికీ అక్రమ మార్గంలో అక్టోబర్ 2021 నుండి జూలై 2022 మధ్య కాలంలో ఓ మసాజ్ పార్లర్లో థెరపిస్ట్గా చేరాడు. ఆ సమయంలో చికిత్స కోసం వచ్చే మహిళలను లక్ష్యంగా చేసుకుని లైంగిక వేధింపులకు పాల్పడ్డాడు. అంతటితో ఆగకుండా బాధితులకు తెలియకుండా వారి రహస్య వీడియోలు తీసి బ్లాక్మెయిల్ చేశాడు.
Australia Massage Abuse | తప్పులను ఒప్పుకున్న నిందితుడు..
ఈ దారుణంపై బాధితులు ఫిర్యాదు చేయడంతో రంగంలోకి దిగిన పోలీసులు సుమిత్పై మొత్తం 97 అభియోగాల కింద కేసులు నమోదు చేశారు. విచారణ సమయంలో నిందితుడు కోర్టులో తన తప్పులన్నింటినీ అంగీకరించాడు.
Australia Massage Abuse | తీవ్ర ఆగ్రహం..
ఈ కేసుపై విచారణ జరిపిన ఆస్ట్రేలియా న్యాయస్థానం నిందితుడి ప్రవర్తనపై తీవ్ర ఆగ్రహం వ్యక్తం చేసింది. చికిత్స కోసం నమ్మి వచ్చిన మహిళల భద్రతను, నమ్మకాన్ని అతడు దారుణంగా దుర్వినియోగం చేశాడని, ప్రొఫెషనల్ విలువలని పూర్తిగా కాలరాశాడని న్యాయమూర్తి వ్యాఖ్యానించారు. నేరం తీవ్రతను బట్టి అతనికి దాదాపు 14 ఏళ్ల జైలు శిక్ష విధించడమే కాకుండా, శిక్ష పూర్తి కాగానే దేశం సరిహద్దుల నుంచి వెళ్లగొట్టాలని ఆదేశాలు జారీ చేసింది.
ఇది కూడా చదవండి: Bandi Sai Bhageerath Arrest | జ్యుడీషియల్ రిమాండ్కు బండి సాయి భగీరథ్
