అక్షరటుడే, వెబ్డెస్క్ : Balakrishna | అమెరికా–ఇరాన్ (America-Iran) మధ్య యుద్ధం కొనసాగుతున్న విషయం తెలిసిందే. ఇరు దేశాలు దాడులు చేసుకుంటున్నాయి. దీంతో పశ్చిమాసియాలో ఉద్రిక్తతలు నెలకొన్నాయి. అంతేగాకుండా రెండు దేశాలు మాటలు, ట్వీట్ల రూపంలో సైతం యుద్ధం చేస్తున్నాయి. ట్వీట్ వార్లోకి తాజాగా తెలుగు హీరో బాలకృష్ణ (Balakrishna ) వెళ్లడం గమనార్హం.
అమెరికా అధ్యక్షుడు డోనాల్డ్ ట్రంప్ పలుమార్లు ఇరాన్ను హెచ్చరించిన విషయం తెలిసిందే. ఆ దేశాన్ని నాశనం చేస్తానని పేర్కొన్నారు. ఇటీవల మరోసారి అలాంటి వ్యాఖ్యలు చేశారు. ఈ క్రమంలో జింబాబ్వేలోని ఇరాన్ ఎంబసీ వ్యంగ్యంగా ఓ ట్వీట్ చేసింది. ట్రంప్ ఇరాన్ను నాశనం చేయడం గురించి మాట్లాడుతున్నారని, కానీ ఇరాన్ నిస్సహాయమైనది కాదని ఆయనకు తెలుసు అని పేర్కొంది. ట్రంప్ ఈ మధ్య హాలీవుడ్కు బదులుగా బాలీవుడ్ సినిమాలు చూస్తున్నారని పేర్కొంది. ఈ మేరకు బాలకృష్ణ నటించిన భగవంత్ కేసరి (Bhagavanth Kesari) సినిమాలోని ఓ ఫైట్ సీన్ను పోస్ట్ చేసింది. దీంతో బాలయ్య తన ప్రమేయం లేకుండానే ఇరాన్–అమెరికా ట్వీట్ వార్లో చేరారు.
Balakrishna | టాలీవుడ్ నుంచి..
బాలకృష్ణ నటించిన భగవంత్ కేసరి సూపర్ హిట్ అయింది. ఆ సినిమా హిందీలో డబ్ చేశారు. దీంతో ఇరాన్ ఎంబసీ బాలీవుడ్ చిత్రం అని పోస్ట్ చేసింది. టెహ్రాన్ కూడా ఏమాత్రం నిస్సహాయంగా లేదని సూచించడానికి, బాలకృష్ణ నటించిన ఒక హై-వోల్టేజ్ యాక్షన్ సన్నివేశాన్ని ఉపయోగించి, వ్యంగ్యపూరితమైన పోస్ట్ చేసింది. అనిల్ రవిపూడి దర్శకత్వంలో తెరకెక్కిన భగవంత్ కేసరి సినిమా 2023లో రిలీజ్ అయింది. ఇరాన్ మీమ్ బాలీవుడ్ నుండి కాదు, తెలుగు సినిమా నుండే స్వీకరించింది.
Trump talks about annihilating Iran.
But he knows Iran is not defenseless.
Since we informed they have recently been watching Bollywood instead of Hollywood. pic.twitter.com/v6Le8zkH5X
— Iran Embassy in Zimbabwe (@IRANinZIMBABWE) September 23, 2026
దీనిని కూడా చదవండి : The Paradise Movie | నానికి పోలీసుల షాక్.. సినిమా చూసేందుకు అనుమతి నిరాకరణ
