అక్షరటుడే, హైదరాబాద్ : CBFC Advisory Committee | భారత ప్రభుత్వ సమాచార, ప్రసార మంత్రిత్వ శాఖ ఆధ్వర్యంలోని సెంట్రల్ బోర్డ్ ఆఫ్ ఫిల్మ్ సర్టిఫికేషన్ (CBFC), హైదరాబాద్ (Hyderabad) ప్రాంతీయ సలహా మండలి సభ్యుడిగా రమేష్ ముస్త్యాల నియమితులయ్యారు. ఈ మేరకు బుధవారం ఆయనకు ఉత్తర్వులు అందజేశారు.
CBFC Advisory Committee | 4న జారీ చేసిన నోటఫికేషన్ ప్రకారం..
కేంద్ర సమాచార, ప్రసార మంత్రిత్వ శాఖ 2026 నవంబర్ 4న జారీ చేసిన అధికారిక నోటిఫికేషన్ ప్రకారం రమేష్ మస్త్యాలను ఈ పదవిలో నియమించారు. ఈ నియామకం మూడేళ్లపాటు లేదా తదుపరి ఉత్తర్వులు వెలువడే వరకు అమల్లో ఉంటుంది. ఈ మేరకు సీబీఎఫ్సీ (CBFC) హైదరాబాద్ ప్రాంతీయ అధికారి డాక్టర్ రాహుల్ గోవిల్కర్ నవంబర్ 9న రమేష్ ముస్త్యాలకు అధికారిక నియామక సమాచార లేఖను అందజేశారు.
CBFC Advisory Committee | గతంలో పలు పదవుల్లో రమేష్ మస్త్యాల..
గతంలో దక్షిణ మధ్య రైల్వే జోనల్ రైల్వే యూజర్స్ కన్సల్టేటివ్ కమిటీ (ZRUCC) సభ్యుడిగా, అఖిల భారత టెక్స్‌టైల్స్ బోర్డు సభ్యుడిగా, తిరుమల తిరుపతి దేవస్థానం సలహా మండలి సభ్యుడిగా రమేష్ ముస్త్యాల సేవలందించారు. ఈ సందర్భంగా రమేష్ ముస్త్యాల మాట్లాడుతూ, తనకు ఈ అవకాశం కల్పించినందుకు కేంద్ర ప్రభుత్వానికి కృతజ్ఞతలు తెలిపారు. తనకు అప్పగించిన బాధ్యతలను నిబద్ధతతో, నిజాయితీతో నిర్వర్తిస్తానని పేర్కొన్నారు.
ఇది కూడా చదవండి..: Fake Certificates Scam | నకిలీల గుట్టు రట్టయ్యేనా..? కామారెడ్డిలో భారీగా నకిలీ సర్టిఫికెట్ల విక్రయం..?
