అక్షరటుడే, వెబ్డెస్క్ : Devji Inter Exam | ఒకప్పుడు అడవుల్లో తుపాకీ పట్టుకొని తిరిగిన మావోయిస్ట్ అగ్రనేత నేడు పరీక్ష కేంద్రంలో పెన్ను పట్టుకొని కనిపించారు. దశాబ్దాల పాటు అజ్ఞాతంలో గడిపిన ఆయన.. నేడు విద్యార్థిగా మారారు.
మావోయిస్ట్ కేంద్ర కమిటీ మాజీ సెక్రెటరీ తిప్పిరి తిరుపతి అలియాస్ దేవ్జీ ఇంటర్ పరీక్ష (Inter Exams)కు హాజరయ్యారు. దాదాపు 45 ఏళ్ల తర్వాత జగిత్యాల జిల్లా కోరుట్ల (Korutla)లో ఆయన పరీక్ష రాయడం గమనార్హం. 1980-82లో దేవ్జీ కోరుట్ల ప్రభుత్వ జూనియర్ కళాశాలలో ఇంటర్ చదివారు. విద్యార్థి రాడికల్ యూనియన్లో పనిచేస్తున్న సమయంలో సెకండియర్ తెలుగు పరీక్షను దేవ్జీ బహిష్కరించారు. ఈ ఏడాది ఫిబ్రవరిలో లొంగిపోయిన ఆయన తాజాగా ఇంటర్ బోర్డు (Inter Board) ప్రత్యేక అనుమతితో పరీక్ష రాశారు.
Devji Inter Exam | ఎల్ఎల్బీ చదివి..
కోరుట్లలోని మ్యాస్ట్రో జూనియర్ కళాశాలలో బుధవారం తెలుగు పరీక్షను దేవ్జీ రాశారు. న్యాయవాద కోర్సు చేసి పేదల కోసం పనిచేస్తానని దేవ్జీ తెలిపారు. ఉద్యమ సమయంలో ఆగిపోయిన తన చదువును దాదాపు 40 ఏళ్ల తర్వాత కొనసాగించాలని దేవ్జీ నిర్ణయించుకోవడం గమనార్హం. దేవ్జీ మావోయిస్ట్ పార్టీలో కీలకంగా పని చేశారు. నంబాల కేశవరావు ఎన్కౌంటర్ అనంతరం కేంద్ర కమిటీ సెక్రెటరీగా నియమితులయ్యారు. అయితే ఆపరేషన్ కగార్తో కేంద్ర బలగాలు అడవులను జల్లెడ పట్టడంతో ఆయన మరికొంత మందితో కలిసి లొంగిపోయారు. తెలంగాణ పోలీసుల ఎదుట సరెండర్ అయిన ఆయన ప్రస్తుతం చదువుపై దృష్టి పెట్టారు.
దీనిని కూడా చదవండి : Jogipet Diesel Theft| జోగిపేటలో చెడ్డి గ్యాంగ్ కలకలం.. బస్సులు, లారీలే లక్ష్యంగా డీజిల్ చోరీ
