అక్షరటుడే వెబ్డెస్క్: DK Shivakumar CLP Leader | కర్ణాటకలో ముఖ్యమంత్రి మార్పు ప్రక్రియ అధికారికంగా ముగింపు దశకు చేరుకుంది. కాంగ్రెస్ శాసనసభా పక్ష (సీఎల్పీ) నూతన నాయకుడిగా డీకే శివకుమార్ ( DK Shivakumar) ఏకగ్రీవంగా ఎన్నికయ్యారు. శనివారం సాయంత్రం బెంగళూరులోని విధాన సౌధలో నిర్వహించిన కాంగ్రెస్ పార్టీ ఎమ్మెల్యేల అత్యవసర సమావేశంలో ఈ కీలక నిర్ణయం తీసుకున్నారు. సీఎల్పీ లీడర్గా డీకే శివకుమార్ పేరును మాజీ ముఖ్యమంత్రి సిద్ధరామయ్య స్వయంగా ప్రతిపాదించగా, పార్టీ సీనియర్ నాయకుడు పరమేశ్వర దానికి మద్దతు పలికారు. దీంతో కాంగ్రెస్ శాసనసభ్యులంతా ఏకగ్రీవంగా డీకే నాయకత్వాన్ని బలపరిచినట్లు పార్టీ అధికారిక వర్గాలు స్పష్టం చేశాయి.
DK Shivakumar CLP Leader |గవర్నర్ను కలవనున్న డీకేఎస్..
సీఎల్పీ నేతగా ఎన్నికైన అనంతరం డీకే శివకుమార్ రాజ్ భవన్కు వెళ్లి గవర్నర్ను కలవనున్నారు. శాసనసభా పక్ష నేతగా ఎన్నికైన అధికారిక పత్రాన్ని గవర్నర్కు సమర్పించి, కర్ణాటకలో ప్రభుత్వం ఏర్పాటుకు తనను ఆహ్వానించాల్సిందిగా కోరనున్నారు. కాగా, జూన్ 3వ తేదీన కర్ణాటక కొత్త ముఖ్యమంత్రిగా డీకే శివకుమార్ ప్రమాణ స్వీకారం చేయబోతున్నట్లు రాష్ట్ర కాంగ్రెస్ విభాగం ఇప్పటికే వెల్లడించిన సంగతి తెలిసిందే. బెంగళూరు లోక్భవన్ ఆవరణలోని గ్లాస్ హౌస్లో జరగనున్న ఈ ప్రమాణ స్వీకార కార్యక్రమానికి సంబంధించిన ఏర్పాట్లు ప్రస్తుతం శరవేగంగా సాగుతున్నాయి.
ఇది కూడా చదవండి: Amaravati Land Allotments | అమరావతిలో 114 సంస్థలకు 1,269 ఎకరాల భూ కేటాయింపు.. రాజధాని పనులు ఆగవు: మంత్రి నారాయణ
