అక్షరటుడే, వెబ్డెస్క్ : Flydubai Flight | ఫ్లై దుబాయ్ విమానం ఘటనలో షాకింగ్ విషయాలు వెలుగులోకి వస్తున్నాయి. ఇద్దరు పైలట్ల మధ్య గొడవ కారణంగా విమానాన్ని దారి మళ్లించి, అత్యవసరంగా ల్యాండింగ్ చేసినట్లు ఇజ్రాయెల్ అధికారులు తెలిపారు.
దుబాయ్ అంతర్జాతీయ విమానాశ్రయం నుంచి ఇజ్రాయెల్లోని బెన్ గురియన్కు ఫ్లైదుబాయ్ ఫ్లైట్ FZ1073 బయలుదేరిన కొద్దిసేపటికి గందరగోళం చేటుచేసుకుంది. టేకాఫ్ తర్వాత అత్యవసర కోడ్, అనంతరం హైజాక్ కోడ్ ప్రసారం అయింది. దీంతో ఉగ్రవాద కోణం ఉందని అధికారులు అనుమానించారు. వెంటనే అప్రమత్తమైన ఇజ్రాయెల్ యుద్ధ విమానాలను రంగంలోకి దించింది. అయితే ఆ విమానం సురక్షితంగా సౌదీ అరేబియాలో ల్యాండ్ కావడంతో అధికారులు ఊపిరి పీల్చుకున్నారు.
Flydubai Flight | అధికారుల క్లారిటీ..
ఈ ఘటనలో ఉగ్రవాద కోణం ఉండొచ్చని ఇజ్రాయెల్ అధికారులు తమ అంచనాను మార్చుకున్నారు. ఇద్దరు పైలట్ల మధ్య ‘తీవ్ర ఘర్షణ’ జరిగిన తర్వాత విమానాన్ని దారి మళ్లించినట్లు తెలిపారు. సుమారు 180 మంది ప్రయాణికులతో ఉన్న విమానంలో కో-పైలట్, పైలట్ను కత్తితో పొడిచాడు. అనంతరం విమానాన్ని తన నియంత్రణలోకి తీసుకోవడానికి ప్రయత్నించాడు. అనంతరం రెండవ పైలట్ల బృందం, బుధవారం సౌదీ అరేబియాలోని తబుక్ విమానాశ్రయంలో విమానాన్ని అత్యవసరంగా ల్యాండ్ చేసింది.
Flydubai Flight | ప్రయాణికులు సురక్షితం
పైలట్ల మధ్య ఘర్షణతో విమానం ఒక్కసారిగా 17,400 అడుగుల మేర కిందికి దిగింది. దీంతో ప్రయాణికులు తీవ్ర భయాందోళనకు గురయ్యారు. అనంతరం దానిని దారి మళ్లించి సౌదీలో సురక్షితంగా ల్యాండ్ చేయడంతో ఊపిరి పీల్చుకున్నారు. ఈ ఘటనలో ప్రయాణికులు సురక్షితంగా బయటపడ్డారు. పైలట్, కో-పైలట్ ఇద్దరూ గాయపడి ఆసుపత్రిలో చేరారు. ఈ ఘటనపై ఇజ్రాయెల్ ప్రధానమంత్రి బెంజమిన్ నెతన్యాహు కార్యాలయం పరిస్థితి “అదుపులో ఉంది” అని పేర్కొంది. పైలట్ తీవ్ర గాయాలతో ఉన్న విమానాన్ని సురక్షితంగా ల్యాండ్ చేశారని ప్రయాణికులు పేర్కొన్నారు.
Flydubai FZ1073, Dubai to Tel Aviv, diverted to Tabuk, Saudi Arabia, this morning after a mid-air cockpit incident.
The aircraft transmitted 7700, then 7500, the international code for unlawful interference, and lost some 15,000 feet of altitude. All passengers are reported… pic.twitter.com/a5htDkX5al
— Lord Iván Emiro Cañas Gutiérrez⚖️ (@LordCanas) September 30, 2026
దీనిని కూడా చదవండి : Kisan Mela 2026 | రైతుల సంక్షేమమే ప్రభుత్వ ప్రధాన లక్ష్యం
