అక్షరటుడే, గాంధారి: Gandhari Gusty Winds | గాంధారి (Gandhari) మండలంలో ఈదురుగాలులు బీభత్సం సృష్టించాయి. భారీగాలులతో కూడిన వర్షం కారణంగా విద్యుత్ స్తంభాలు నేలకూలాయి. వైర్లు తెగిపోయి పలువురి ఇళ్లపై పడ్డాయి. మరోచోట ట్రాన్స్ఫార్మర్ (Transformer Damage) నేలకొరిగింది.
Gandhari Gusty Winds | ఒక్కసారిగా..
గాంధారి మండలంలోని గుర్జల్ గ్రామంలో ఒక్కసారిగా ఈదురుగాలులు వీయడంతో నాలుగు విద్యుత్ స్తంభాలు విరిగిపడ్డాయి. వాటి వైర్లు తెగి ఒక ఇంటిపై పడడంతో ఆ కుటుంబ సభ్యులు తీవ్ర భయాందోళనకు గురయ్యారు. అయితే ఎలాంటి ప్రమాదం సంభవించకపోవడంతో ఊపిరి పీల్చుకున్నారు. భారీగా వీచిన గాలికి ట్రాన్స్ఫార్మర్తో పాటు స్తంభాలు కూడా నేలకొరగగా.. కేంద్రాల్లో ధాన్యం తడవకుండా కాపాడుకునేందుకు ఉంచిన టార్పాలిన్లు సైతం కొట్టుకుపోయాయి. అంతేకాకుండా చెట్లు కూడా నేలకొరిగాయి. సమాచారం అందుకున్న విద్యుత్ శాఖ (Electricity Department) అధికారులు వెంటనే విద్యుత్ సరఫరా నిలిపివేసి ఎలాంటి ప్రాణనష్టం జరగకుండా చూశారు. నష్టం వివరాలు తెలియాల్సి ఉంది.
ఇది కూడా చదవండి: Nifty 24000 Rally | భారీ లాభాలతో ముగిసిన మార్కెట్లు.. మరోసారి 24 వేల మార్క్ను దాటిన నిఫ్టీ
