అక్షరటుడే, గాంధారి: Gandhari Woman Murder | పెళ్లి పత్రిక ఇద్దామని సొంతూరుకు వచ్చిన యువతి దారుణ హత్యకు గురైంది. ఈ ఘటన గాంధారి మండలంలో శుక్రవారం రాత్రి చోటు చేసుకుంది.
Gandhari Woman Murder | హైదరాబాద్ నుంచి వచ్చిన యువతి..
స్థానికులు, పోలీసులు తెలిపిన వివరాల ప్రకారం.. గాంధారి మండలం (Gandhari Mandal)లోని అంగడి బజార్ సెల్ టవర్ వద్ద నివాసముండే సిక్కు మతానికి చెందిన యువతి ఆర్సీ కౌర్ జీవనోపాధి నిమిత్తం హైదరాబాద్లో నివసిస్తోంది. అయితే ఇటీవల ఆమెకు పెళ్లి సంబంధం కుదరగా.. పెళ్లిపత్రిక ఇచ్చేందుకు సొంతూరైన గాంధారికి శుక్రవారం వచ్చింది. అయితే రాత్రి సమయంలో సెల్ టవర్ దగ్గర గుర్తుతెలియని వ్యక్తులు అతిదారుణంగా ఆమెను హత్య చేసినట్లు ఎస్సై మహేందర్ తెలిపారు. సంఘటనా స్థలానికి ఎల్లారెడ్డి డీఎస్పీ శ్రీనివాస్ చేరుకుని విచారణ చేశారని.. కేసు నమోదు చేసుకుని దర్యాప్తు చేస్తున్నట్లు ఎస్సై తెలిపారు.
ఇది కూడా చదవండి..: Police Save Man | పోలీసుల సమయస్ఫూర్తి..ఆత్మహత్యకు యత్నించిన వ్యక్తి సురక్షితం!
