అక్షరటుడే, నిజామాబాద్ క్రైం: Ganesh Immersion Security | గణేష్ నిమజ్జనం నేపథ్యంలో (Nizamabad Police) శాంతి భద్రతలను దృష్టిలో ఉంచుకొని వైన్స్ షాపులు బంద్ నిర్వహిస్తున్నట్లు పోలీస్ కమిషనర్ సాయిచైతన్య (CP Saichaitanya) వెల్లడించారు. ఈ మేరకు ప్రకటన విడుదల చేశారు.
Ganesh Immersion Security | శాంతిభద్రతల నేపథ్యంలో..
నిజామాబాద్ పోలీస్ కమిషనరేట్ పరిధిలోని నిజామాబాద్, ఆర్మూర్, బోధన్ డివిజన్ పరిధిలో సెక్షన్ 20(1) తెలంగాణ ఎక్సైజ్ యాక్ట్ 1968 ప్రకారం వైన్స్ షాప్లు బంద్ చేస్తున్నట్లు సీపీ తెలిపారు. అలాగే జిల్లాలోని కల్లు దుకాణాలు, ఐఎంఎల్ షాప్స్, బార్లు, క్లబ్బులు, కల్లుడిపోలు 22వ తేదీ ఉదయం 6గంటల నుంచి 23వ తేదీ ఉదయం 6గంటల వరకు బంద్ నిర్వహిస్తున్నట్లు తెలిపారు.
Ganesh Immersion Security | గణేష్ శోభయాత్రకు 1300 మందితో బందోబస్తు
గణేష్ నిమజ్జనోత్సవానికి 1300 మంది సిబ్బందితో పటిష్టమైన బందోబస్తు ఏర్పాటు చేస్తున్నామని సీపీ సాయి చైతన్య తెలిపారు. గణేష్ నిమజ్జనోత్సవ శోభయాత్ర శాంతియుతంగా సజావుగా నిర్వహించేదుకు అన్ని ఏర్పాట్లు పూర్తయ్యాయన్నారు. అన్ని డివిజన్ పరిధిలలో ప్రధాన నిమజ్జన మార్గాల్లో దాదాపు 1300 మందికి పైగా పోలీస్ సిబ్బందిని నియమించామని, సీసీ కెమెరాల ద్వారా డ్రోన్ కెమెరాలలతో పర్యవేక్షణ, ట్రాఫిక్ నియంత్రణ కోసం ప్రత్యేక బృందాలు ఏర్పాట్లు పోలీస్ సిబ్బందితో పాటు ఎక్సైజ్ శాఖ, ఫారెస్టు శాఖ, ఎన్సీసీ, ఎన్ఎస్ఎస్తో బందోబస్తు ఏర్పాటు చేయడం జరిగిందన్నారు.
Ganesh Immersion Security | శోభయాత్రలో తప్పనిసరి..
నిమజ్జన ఊరేగింపులో శాంతియుతంగా పాల్గొనాలని సీపీ తెలిపారు. అనుమానాస్పద వ్యక్తులు, వస్తువులు కనిపించినప్పుడు వెంటనే పోలీసులకు సమాచారం ఇవ్వాలని, ట్రాఫిక్ నియమాలు అందరూ పాటించాలన్నారు. ఆడియో సిస్టమ్స్ నిర్ణీత స్థాయిలో ఉపయోగించాలని కోరారు. డీజేలు పూర్తిగా నిషేధమన్నారు. అత్యవసర సమయాల్లో 112కు, పోలీస్ కంట్రోల్ రూం 87126-59700లో సంప్రదించాలన్నారు.
ఇది కూడా చదవండి: రైతులు నీళ్లు అడిగితే… అరెస్టులా?: రేవంత్ పై కేటీఆర్ ఫైర్
