Guntur Car Fire | కారులో ఒక్కసారిగా ఎగసిపడిన మంటలు..  వృద్ధుడి సజీవదహనం

అక్షరటుడే వెబ్‌డెసస్క్: Guntur Car Fire | గుంటూరు నగరంలో తీవ్ర విషాద ఘటన చోటుచేసుకుంది. అనారోగ్యంతో బాధపడుతున్న తండ్రిని ఆసుపత్రికి తీసుకెళ్లగా డాక్టర్ అందుబాటులో లేకపోవడంతో వెనుదిరిగిన తండ్రీకొడుకులను అనుకోని ప్రమాదం వెంటాడింది. వారు ప్రయాణిస్తున్న కారులో ఒక్కసారిగా మంటలు చెలరేగడంతో వృద్ధుడు సజీవదహనమవగా, కుమారుడు తీవ్ర గాయాలతో ప్రాణాలతో బయటపడ్డాడు.

Guntur Car Fire | అసలు ఏం జరిగిందంటే?

గుంటూరులోని ఐపీడీ కాలనీకి చెందిన తాడికొండ హరికృష్ణ అనే వృద్ధుడికి డయాలసిస్ చేయాల్సి ఉండడంతో, ఆయన కుమారుడు అఖిలేష్ కారులో ఆసుపత్రికి తీసుకెళ్లారు. అయితే, ఆసుపత్రికి వెళ్లేసరికి వైద్యులు అందుబాటులో లేకపోవడంతో చికిత్స చేయించుకోకుండానే తండ్రీకొడుకులు తిరిగి ఇంటికి బయలుదేరారు. ఇంటికి చేరుకునే సమయానికి కారులో ఒక్కసారిగా మంటలు చెలరేగాయి. కారులోని ఏసీ పేలడమే ఈ ప్రమాదానికి కారణమై ఉండొచ్చని ప్రాథమికంగా భావిస్తున్నారు. మంటలు క్షణాల్లో కారు అంతటా వేగంగా వ్యాపించడంతో వృద్ధుడు హరికృష్ణ కారులోనే చిక్కుకుపోయి అక్కడికక్కడే సజీవదహనమయ్యారు.

Guntur Car Fire | కుమారుడికి తీవ్ర గాయాలు..

కారులో మంటలు చెలరేగడాన్ని గమనించిన స్థానికులు వెంటనే అప్రమత్తమయ్యారు. తీవ్ర గాయాలపాలైన కుమారుడు అఖిలేష్‌ను కారులో నుంచి సురక్షితంగా బయటకు లాగి కాపాడారు. ఈ ఘటనతో ఐపీడీ కాలనీ ప్రాంతంలో తీవ్ర భయాందోళనలు నెలకొన్నాయి. సమాచారం అందుకున్న వెంటనే పోలీసులు సంఘటనా స్థలానికి చేరుకుని పరిస్థితిని సమీక్షించారు. మంటలు చెలరేగడానికి అసలు కారణం ఏమిటి? ఏసీ పేలడం వల్లే ఈ ప్రమాదం జరిగిందా లేదా ఇతర కారణాలు ఏమైనా ఉన్నాయా అనే కోణంలో పోలీసులు దర్యాప్తు ముమ్మరం చేశారు.

గుంటూరులో ఘోర ప్రమాదం.. కారులో ఉన్న వ్యక్తి సజీవ దహనం

పాత గుంటూరు–పొన్నూరు రోడ్డులో ఘోర ఘటన

కారులో ఒక్కసారిగా చెలరేగిన మంటలు

కారులో ఉన్న తండ్రి సజీవ దహనం

తండ్రితో పాటు కారులో ఉన్న కొడుకు

మంటలు చెలరేగడంతో కారు డోర్ తీసుకుని బయటకు వచ్చిన కొడుకు

తండ్రి వైపు డోర్… pic.twitter.com/CUuPfilRej

— PulseNewsBreaking (@pulsenewsbreak) September 29, 2026

ఇది కూడా చదవండి:  RTC Bus Protest | ఆర్టీసీ బస్సులను అడ్డగించిన విద్యార్థులు