అక్షరటుడే వెబ్డెస్క్:Hantavirus Vaccine Delay|ప్రపంచాన్ని భయాందోళనలకు గురిచేస్తున్న హంటా వైరస్కు (Hantavirus) సంబంధించి ఒక దిగ్భ్రాంతికర విషయం బయటపడింది. వాస్తవానికి ఈ వైరస్కు పదేళ్ల క్రితమే టీకా అందుబాటులోకి రావాల్సి ఉన్నప్పటికీ, కేవలం నిధుల కొరత కారణంగానే ఆ ప్రయోగాలు నిలిచిపోయాయని శాస్త్రవేత్తలు వెల్లడించారు.
Hantavirus Vaccine Delay|ప్రయోగాలు ఎక్కడ ఆగిపోయాయి?
చిలీకి చెందిన వైరాలజీ శాస్త్రవేత్త మరియా జోస్ బరియా నేతృత్వంలోని బృందం 2016లోనే హంటా వైరస్పై కీలక పరిశోధనలు చేసింది. ముఖ్యంగా మనుషుల నుండి మనుషులకు వ్యాపించే ‘ఆండిస్’ రకం వైరస్ను ఎదుర్కొనే యాంటీబాడీలను వీరు అభివృద్ధి చేశారు. జంతువులపై చేసిన ప్రయోగాలు సత్ఫలితాలనిచ్చినప్పటికీ, మనుషులపై జరపాల్సిన ‘హ్యూమన్ ట్రయల్స్’ కోసం అవసరమైన సుమారు 7 మిలియన్ డాలర్ల నిధులు సమకూరలేదు. ఫలితంగా ఈ వ్యాక్సిన్ అభివృద్ధి మధ్యలోనే ఆగిపోయింది.
Hantavirus Vaccine Delay|వైరస్ తీవ్రత..
శాస్త్రవేత్తల ప్రకారం హంటా వైరస్లో దాదాపు 40 రకాలు ఉన్నాయి. వీటిని ‘ఓల్డ్ వరల్డ్’, ‘న్యూ వరల్డ్’ అని రెండు రకాలుగా విభజించారు. ఇది ఊపిరితిత్తులపై తీవ్ర ప్రభావం చూపుతుంది. ఊపిరితిత్తుల్లో నీరు చేరడం వల్ల శ్వాస తీసుకోవడం కష్టమవుతుంది. ఈ వైరస్ సోకిన వారిలో మరణాల రేటు దాదాపు 40% గా ఉండటం ఆందోళన కలిగిస్తోంది. ఈ ఏడాది చిలీలో 39 కేసులు నమోదు కాగా, అందులో 13 మంది మరణించారు. అర్జెంటీనాలోనూ 42 కేసులు వెలుగు చూశాయి.
Hantavirus Vaccine Delay|నౌకలో ఏం జరిగింది?
ఇటీవల అర్జెంటీనా నుండి బయలుదేరిన ‘ఎంవీ హొండియస్’ అనే క్రూజ్ నౌకలో 1700 మంది ప్రయాణిస్తుండగా, ఈ వైరస్ ప్రబలి ముగ్గురు ప్రాణాలు కోల్పోయారు. ఇది అత్యంత ప్రమాదకరమైన ‘ఆండిస్’ రకానికి చెందినదని అధికారులు నిర్ధారించారు. సోకిన వ్యక్తికి అత్యంత సన్నిహితంగా ఉన్నప్పుడు మాత్రమే ఇది ఒకరి నుండి ఒకరికి వ్యాపిస్తుంది.
ఇది కూడా చదవండి: Bandi Bhagirath POCSO Case | భగీరథ్ పోక్సో కేసులో ట్విస్ట్.. బాధితురాలి వయసుపై కోర్టులో సంచలన వాదనలు!
