Telangana ANM Results | ఏఎన్​ఎం పరీక్ష ఫలితాలు విడుదల

అక్షరటుడే, వెబ్​డెస్క్ : Telangana ANM Results | వైద్య, ఆరోగ్య సేవల నియామక మండలి (MHSRB) 1,931 ఏఎన్​ఎం పోస్టుల కోసం తాత్కాలిక ఎంపిక జాబితాను విడుదల చేసింది. ఈ ఫలితాలకు సంబంధించి అభ్యంతరాల స్వీకరణకు మే 18 నుంచి 22 వరకు అవకాశం కల్పించారు.

తెలంగాణలో 1931 ఏఎన్​ఎం పోస్టుల భర్తీ కోసం గతంలో నోటిఫకేషన్​ విడుదల చేశారు. మొత్తం 24,268 దరఖాస్తులు వచ్చాయి. ఇందులో 20,600 మంది అభ్యర్థులు పరీక్ష (CBT)కు హాజరు అయ్యారు. ఆ పరీక్ష ఫలితాలను తాజాగా MHSRB విడుదల చేసింది.

Telangana ANM Results | వెయిటేజీ తగ్గింపు

కాంట్రాక్టు, అవుట్‌సోర్సింగ్ సేవలకు కేటాయించే వెయిటేజీ మార్కులను హైకోర్టు ఆదేశాల మేరకు 30 నుంచి 20 మార్కులకు తగ్గించినట్లు అధికారులు తెలిపారు. పరీక్ష మార్కులు, కాంట్రాక్టు, అవుట్‌సోర్సింగ్ సేవలకు సవరించిన వెయిటేజీ మార్కుల ఆధారంగా నియామక మండలి తాత్కాలిక జాబితాను విడుదల చేసింది. వీటిపై అభ్యంతరాలను లేవనెత్తే అవకాశం ఒక్కసారి మాత్రమే ఉంటుందని తెలిపింది. వాటిని సమర్పించేటప్పుడు అభ్యర్థులు జాగ్రత్త వహించాలని సూచించింది.

మొత్తం పోస్టులలో 1,666 ఖాళీలు వైద్య, కుటుంబ సంక్షేమ శాఖ పరిధిలో ఉండగా, 265 పోస్టులు తెలంగాణ వైద్య విధాన పరిషత్ పరిధిలో ఉన్నాయి. కోర్టులో పెండింగ్‌లో ఉన్న కేసులకు సంబంధించిన తుది తీర్పులకు లోబడి నియామక ప్రక్రియ ఉంటుందని అధికారులు స్పష్టం చేశారు.

దీనిని కూడా చదవండి : NEET Paper Leak | విద్యార్థుల గొంతుకపై ‘లీకేజీ’ కత్తి.. నీట్ కుంభకోణం వెనుక అసలు దందా ఇదేనా?