అక్షరటుడే, వెబ్డెస్క్: Hormuz Strait Attack | హార్ముజ్ జలసంధిలో అమెరికా యుద్ధ నౌకలపై జరిగిన దాడులను తమ సైన్యం తిప్పికొట్టిందని Donald Trump వెల్లడించారు. ఈ మేరకు ఆయన సోషల్ మీడియా వేదికగా చేసిన వ్యాఖ్య అంతర్జాతీయ స్థాయిలో చర్చనీయాంశమయ్యాయి.
Hormuz Strait Attack | ఇరాన్ పడవలు పూర్తిగా ధ్వంసం
ట్రంప్ తెలిపిన వివరాల ప్రకారం.. అమెరికాకు చెందిన 3 అత్యాధునిక డిస్ట్రాయర్లు హార్ముజ్ జలసంధి మీదుగా ప్రయాణిస్తున్న సమయంలో ఇరాన్ దాడులను ఎదుర్కొన్నాయి. ఈ సందర్భంగా క్షిపణులు, డ్రోన్లతో దాడి జరిగిందని.. అయితే అమెరికా రక్షణ వ్యవస్థ వాటిని సమర్థంగా అడ్డుకుందని ట్రంప్ పేర్కొన్నారు.
అమెరికా డిస్ట్రాయర్లకు ఎలాంటి నష్టం జరగలేదని, ప్రత్యుత్తర దాడుల్లో ఇరాన్ పడవలు పూర్తిగా ధ్వంసమైనట్లు ట్రంప్ వెల్లడించారు. డ్రోన్లను గాల్లోనే కూల్చివేశామని, దాడి చేసిన బోట్లు సముద్రంలో మునిగిపోయాయని చెప్పారు.
Hormuz Strait Attack | నాయకత్వం అత్యంత ప్రమాదకరంగా
ఇరాన్పై తీవ్ర విమర్శలు చేసిన డోనాల్డ్ ట్రంప్.. “ఇరాన్ సాధారణ దేశం కాదు. అక్కడి నాయకత్వం అత్యంత ప్రమాదకరంగా వ్యవహరిస్తోంది..” అంటూ తీవ్ర వ్యాఖ్యానించారు. అణ్వాయుధాలు సంపాదించే అవకాశాన్ని అమెరికా ఎట్టి పరిస్థితుల్లోనూ ఇవ్వబోదని ఈ సందర్భంగా స్పష్టం చేశారు.
అమెరికా యుద్ధ నౌకలు ప్రస్తుతం నౌకాదళ దిగ్బంధన చర్యల్లో తిరిగి చేరనున్నాయని ఆయన వెల్లడించారు. హార్ముజ్ జలసంధిలో తాజా పరిణామాలతో మధ్యప్రాచ్యంలో మళ్లీ ఉద్రిక్త పరిస్థితులు నెలకొన్నాయి.
Meena Driverless Taxi | డ్రైవర్ లేని కారులో నటి మీనా ప్రయాణం.. వీడియో వైరల్!
