అక్షరటుడే, వెబ్డెస్క్ : Hormuz Strait Closure | పశ్చిమాసియాలో సంక్షోభం తగ్గడం లేదు. ఇటీవల అమెరికా, ఇరాన్ మధ్య శాంతి ఒప్పందం జరగడంతో ప్రపంచ దేశాలు ఊపిరి పీల్చుకున్నాయి. యుద్ధం ముగిస్తే చమురు ధరలు తగ్గుతాయని ఆశించాయి. అయితే తాజాగా ఇరాన్ షాకింగ్ నిర్ణయం తీసుకుంది.
హర్మూజ్ జలసంధి (Hormuz Strait Closure )పై ఇరాన్ శనివారం కీలక ప్రకటన చేసింది. అమెరికా శాంతి ఒప్పందాన్ని ఉల్లంఘించడంతో జలసంధిని మూసివేశామని తెలిపింది. అమెరికా, ఇజ్రాయెల్ కాల్పుల విరమణ ఒప్పందాన్ని ఉల్లంఘించాయని ఆరోపిస్తూ, ఈ కీలకమైన జలమార్గాన్ని నౌకల రాకపోకలకు మూసివేస్తున్నట్లు ఇరాన్ అత్యున్నత సంయుక్త సైనిక కమాండ్, ఖతం అల్-అన్బియా సెంట్రల్ హెడ్ క్వార్టర్స్ తెలిపినట్లు మెహర్ ప్రభుత్వ వార్తా సంస్థ పేర్కొంది.
Hormuz Strait Closure | మొదటి అడుగు
ప్రభుత్వ టీవీకి ఇచ్చిన ఒక ప్రకటనలో దురాక్రమణ కొనసాగితే, తదుపరి చర్యలకు ప్రణాళికలు సిద్ధంగా ఉన్నాయి అని సైన్యం తెలిపింది. ఒప్పందాల ఉల్లంఘనలకు ప్రతిస్పందనగా ఈ మూసివేత “మొదటి అడుగు” అని ఇరాన్ సైన్యం పేర్కొంది. “దురాక్రమణ” కొనసాగితే మరిన్ని చర్యలు తీసుకుంటామని హెచ్చరించింది. శనివారం దక్షిణ లెబనాన్పై ఇజ్రాయెల్ జరిపిన దాడుల్లో ఇద్దరు పిల్లలతో సహా కనీసం 16 మంది మరణించిన తర్వాత ఈ పరిణామం చోటుచేసుకుంది. ఇజ్రాయెల్, లెబనాన్ శుక్రవారం కాల్పుల విరమణ ఒప్పందానికి అంగీకరించాయి.
Iran’s top joint military command, Khatam al-Anbiya Central Headquarters, said on Saturday that the Strait of Hormuz would be closed to vessel traffic, citing alleged violations of a ceasefire agreement by the US and Israel, Iran’s Mehr state news agency reported.… pic.twitter.com/w5atFmHjbd
— SABC News (@SABCNews) June 20, 2026
దీనిని కూడా చదవండి : Meloni counters Trump | ‘ఇటలీ ఎవరినీ వేడుకోదు’.. ట్రంప్నకు మెలోని స్ట్రాంగ్ కౌంటర్: ప్రపంచ వేదికపై ముదిరిన ‘దౌత్య’ వివాదం!
