అక్షరటుడే వెబ్‌డెస్క్: Hyundai Bayon SUV | భారతీయ ( India )ఆటోమొబైల్ మార్కెట్లో సంచలనం సృష్టించేందుకు ప్రముఖ కార్ల తయారీ సంస్థ హ్యుందాయ్ మోటార్ ఇండియా (HMIL) సిద్ధమైంది. తన నూతన ఇంటెలిజెంట్ యుటిలిటీ వాహనమైన ‘హ్యుందాయ్ బాయోన్’ (Hyundai Bayon) లాంచ్‌కు ముందే దాని సేఫ్టీ ఫీచర్లను కంపెనీ అధికారికంగా వెల్లడించింది. భారతీయ 5-స్టార్ భద్రతా ప్రమాణాలకు అనుగుణంగా రూపొందించిన ఈ ఎస్‌యూవీ అక్టోబర్ 26, 2026న అధికారికంగా మార్కెట్లోకి రానుంది. కేవలం రూ. 11,000 చెల్లించి అధికారిక వెబ్‌సైట్ లేదా డీలర్‌షిప్‌ల ద్వారా దీనిని బుక్ చేసుకోవచ్చు.
Hyundai Bayon SUV | హాట్-స్టాంపింగ్ భాగాలు..
గ్లోబల్ కే ఎన్‌హాన్స్డ్ ప్లాట్‌ఫామ్‌పై నిర్మించిన హ్యుందాయ్ బాయోన్ భద్రతకు పెద్దపీట వేసింది. ఈ కారు బాడీ స్ట్రక్చర్‌లో ఏకంగా 69% అడ్వాన్స్‌డ్ మల్టీ-గ్రేడ్ హై-స్ట్రెంత్ స్టీల్‌ను (AHSS, UHSS, HSS) ఉపయోగించారు. ఫ్రంట్ ఏప్రాన్, డాష్‌బోర్డ్, వెనుక ఫ్లోర్ వంటి కీలక ప్రాంతాలలో హాట్-స్టాంపింగ్ భాగాలను అమర్చడం ద్వారా ప్రమాద తీవ్రతను గణనీయంగా తగ్గించవచ్చు. డ్యూయల్-బాక్స్ నిర్మాణం, మల్టిపుల్ లోడ్ పాత్‌లు క్యాబిన్‌లోని ప్రయాణికులకు పూర్తి రక్షణను అందిస్తాయి.
Hyundai Bayon SUV | లెవెల్ 2 ప్రో ఏడాస్ ..
ఈ కారులో భద్రతను తదుపరి స్థాయికి తీసుకెళ్లేలా 23 అడ్వాన్స్‌డ్ డ్రైవర్ అసిస్టెన్స్ ఫీచర్లతో కూడిన ‘లెవెల్ 2 ప్రో ఏడాస్’ను పొందుపరిచారు. ఇందులో 3 రాడార్లు, 12 పార్కింగ్ సెన్సార్లు కలిసి పనిచేస్తాయి. ఫార్వర్డ్ కొలిజన్ వార్నింగ్, లేన్ కీపింగ్ అసిస్ట్, స్మార్ట్ క్రూయిజ్ కంట్రోల్ విత్ స్టాప్ & గో, బ్లైండ్-స్పాట్ వ్యూ మానిటర్ వంటి అధునాతన ఫీచర్లు హైవేలు , నగరాల్లో డ్రైవింగ్‌ను మరింత సురక్షితంగా మారుస్తాయి.
Hyundai Bayon SUV | సేఫ్టీ ఫీచర్లు..
హ్యుందాయ్ బాయోన్ అన్ని వేరియంట్లలోనూ 35కి పైగా భద్రతా ఫీచర్లను ప్రామాణికంగా (Standard) అందిస్తోంది. మొత్తంగా ఈ కారులో 80 కంటే ఎక్కువ అడ్వాన్స్‌డ్ సేఫ్టీ ఫీచర్లు ఉన్నాయి. 6 ఎయిర్‌బ్యాగ్‌లు, ఎలక్ట్రానిక్ స్టెబిలిటీ కంట్రోల్ (ESC), హిల్-స్టార్ట్ అసిస్ట్ కంట్రోల్, ఆల్-వీల్ డిస్క్ బ్రేక్స్, టైర్ ప్రెజర్ మానిటరింగ్ సిస్టమ్ (TPMS) వంటివి ప్రయాణికుల భద్రతను నిర్ధారిస్తాయి.
ఆకర్షణీయమైన రంగులు..
ఈ వాహనం నమ్మకమైన 4-సిలిండర్ 1.5 లీటర్ MPi పెట్రోల్ ఇంజిన్‌తో వస్తుంది. ఇది 115 PS పవర్ , 143.8 Nm టార్క్‌ను ఉత్పత్తి చేస్తుంది. ఇది 6-స్పీడ్ మాన్యువల్ (6MT) లేదా IVT ట్రాన్స్‌మిషన్ ఆప్షన్లలో లభిస్తుంది. ఇక లుక్స్ పరంగా మోనోటోన్, మ్యాట్, డ్యూయల్-టోన్ విభాగాల్లో మొత్తం 10 ఆకర్షణీయమైన ఎక్స్‌టీరియర్ కలర్ ఆప్షన్లలో ఇది అందుబాటులో ఉంది. పండుగ సీజన్‌లోనే దీని డెలివరీలు కూడా ప్రారంభం కానున్నాయి.
ఇది కూడా చదవండి: Mysore Dasara Festival | మైసూరు దసరా ఉత్సవాల్లో పాల్గొన్న సీఎం రేవంత్రెడ్డి
