అక్షరటుడే, వెబ్డెస్క్ : iBomma Website | కొంతకాలంగా మూతబడిన ఐ బొమ్మ వెబ్సైట్ మళ్లీ యాక్టివ్ అయింది. వెబ్సైట్లో కొత్త చిత్రాలు ప్రత్యక్షం కావడంతో సినీ వర్గాల్లో ఆందోళన నెలకొంది.
ఐ బొమ్మ నిర్వాహకుడు ఇమ్మడి రవిని హైదరాబాద్ పోలీసులు (Hyderabad Police) గతంలో అరెస్ట్ చేసిన విషయం తెలిసిందే. అనంతరం అతడితోనే వెబ్సైట్ మూసివేయించారు. దీంతో సినీ పరిశ్రమ కొంతకాలంగా ఊపిరి పీల్చుకుంటుంది. అయితే మళ్లీ వెబ్సైట్ ప్రత్యక్షం కావడంతో టాలీవుడ్లో ఆందోళన నెలకొంది. ఇప్పుడు మళ్లీ దానిని ఎవరు మొదలు పెట్టారనే ప్రశ్నలు తలెత్తుతున్నాయి.
iBomma Website | బెయిల్పై ఉన్న రవి
ఐ బొమ్మ వెబ్సైట్తో తెలుగు చిత్రపరిశ్రమకు భారీగా నష్టం వాటిల్లింది. సినిమా విడుదలైన వెంటనే వెబ్సైట్లో పైరసీ అప్లోడ్ చేస్తుండటంతో నిర్మాతలకు నష్టాలు వచ్చాయి. ఈ క్రమంలో ఐ బొమ్మపై అనేక ఫిర్యాదులు నమోదు అయ్యాయి. వీటిపై విచారణ చేపట్టిన హైదరాబాద్ సీసీఎస్ పోలీసులు (Hyderabad CCS Police) వెబ్సైట్ నిర్వాహకుడు ఇమ్మడి రవిని గతంలో కూకట్పల్లిలో అరెస్ట్ చేశారు. ఆయన అరెస్ట్ తర్వాత వెబ్సైట్ పూర్తిగా బంద్ అయింది. తాజాగా మళ్లీ యాక్టివేట్ కావడం చిత్ర పరిశ్రమను ఆందోళన గురి చేస్తోంది. కాగా ఈ కేసులో అరెస్టయిన ఇమ్మడి రవి (Immadi Ravi) ప్రస్తుతం బెయిల్పై ఉన్నాడు. ఈ సమయంలోనే సడెన్గా ఐ బొమ్మ వెబ్ సైట్ మళ్లీ ప్రత్యక్షం కావడం ఇప్పుడు చర్చనీయాంశంగా మారింది. దీనిపై పోలీసులు విచారణ చేస్తున్నారు.
ఇది కూడా చదవండి..: Sirish Reddy Comments | థియేటర్స్ నడవకపోతే మూసేయండి అన్న నిర్మాత.. ఇప్పుడు ఆయన ఇండస్ట్రీలోనే లేడంటూ కామెంట్
