అక్షరటుడే వెబ్‌డెస్క్: ICICI Prudential ULIP Fund | ప్రముఖ ప్రైవేట్ రంగ భీమా సంస్థ ఐసీఐసీఐ ప్రుడెన్షియల్ లైఫ్ ఇన్సూరెన్స్ (ICICI Prudential Life Insurance) తమ యూనిట్ లింక్డ్ ఇన్సూరెన్స్ ప్లాన్ల (ULIP) కస్టమర్ల కోసం కొత్త ఈక్విటీ ఇన్వెస్ట్‌మెంట్ ఆప్షన్‌ను అందుబాటులోకి తెచ్చింది. ‘ఐసీఐసీఐ లైఫ్ బీఎస్ఈ 500 మొమెంటం క్వాలిటీ 50 ఇండెక్స్ ఫండ్’పేరుతో దీనిని ప్రారంభించింది. ఆర్థికంగా పటిష్టంగా ఉంటూ, మార్కెట్‌లో సానుకూల వృద్ధి కనబరుస్తున్న అగ్రగామి కంపెనీల్లో పెట్టుబడులు పెట్టేందుకు ఈ ఫండ్ ఇన్వెస్టర్లకు అద్భుతమైన అవకాశం కల్పిస్తుంది.
ICICI Prudential ULIP Fund | 50 కంపెనీల ఎంపిక..
ఈ నూతన ఇండెక్స్ ఫండ్ బీఎస్ఈ 500 (BSE 500) సూచీలోని అత్యుత్తమ 50 కంపెనీల స్టాక్స్‌తో కూడిన పోర్ట్‌ఫోలియోలో ఇన్వెస్ట్ చేస్తుంది. రోఈ (Return on Equity), డెట్ టు ఈక్విటీ నిష్పత్తి (Debt to Equity), ఈపీఎస్ వంటి కీలక ఆర్థిక కొలమానాలను ప్రాతిపదికగా తీసుకుని గడిచిన 12 నెలల వ్యవధిలో మెరుగైన వృద్ధి కనబరిచిన కంపెనీలను మాత్రమే ఎంపిక చేస్తారు.
ICICI Prudential ULIP Fund | దీర్ఘకాలిక సంపద వృద్ధి..
నిరంతరం మారే మార్కెట్ అవకాశాలు, వ్యాపారాల ఫండమెంటల్స్‌కు అనుగుణంగా ప్రతీ మూడు నెలలకోసారి (Quarterly) ఈ పోర్ట్‌ఫోలియోను రీబ్యాలెన్స్ చేస్తారు. అత్యంత నాణ్యమైన వ్యాపారాలు నడుపుతూ లాభాలార్జన అవకాశాలు ఉన్న కంపెనీల్లో పెట్టుబడులు పెట్టడం ద్వారా దీర్ఘకాలంలో మార్కెట్ ఆటుపోట్లను అధిగమించి కాంపౌండింగ్ ప్రయోజనం పొందవచ్చని సంస్థ సిఐఓ (CIO) మనీష్ కుమార్ తెలిపారు.
ICICI Prudential ULIP Fund | 23.7 శాతం వార్షిక రాబడులు..
ఈ ఇండెక్స్ ఫండ్ చారిత్రక పనితీరు అత్యంత ఆకర్షణీయంగా ఉంది. 2026 సెప్టెంబర్ 30 నాటి గణాంకాల ప్రకారం.. ఈ ఇండెక్స్ గత 7 సంవత్సరాల వ్యవధిలో ఏకంగా 23.7 శాతం వార్షిక రాబడులను (CAGR) అందించింది. అంటే ఏడేళ్ల క్రితం ఇందులో రూ. 1 లక్ష ఇన్వెస్ట్ చేసి ఉంటే, దాని విలువ ప్రస్తుతం రూ. 4.4 లక్షలకు చేరుకునేది.
ICICI Prudential ULIP Fund | లైఫ్ రికార్డు పనితీరు..
2027 ఆర్థిక సంవత్సరం మొదటి అర్ధభాగంలో (H1 FY27) కంపెనీ అత్యుత్తమ క్లెయిమ్ సెటిల్మెంట్ నిష్పత్తిని సాధించింది. కంపెనీ క్లెయిమ్ సెటిల్మెంట్ రేటు 99.3 శాతంగా నమోదు కాగా.. నాన్-ఇన్వెస్టిగేటెడ్ క్లెయిమ్‌లను సగటున కేవలం 1.1 రోజుల్లోనే పరిష్కరించి కస్టమర్ల పట్ల తన విశ్వసనీయతను నిరూపించుకుంది.
ICICI Prudential ULIP Fund | ఏ ఏ ప్లాన్లలో లభిస్తుంది?
ఈ కొత్త ఇండెక్స్ ఫండ్ ఐసీఐసీఐ లైఫ్ అందించే అత్యధిక యులిప్ ప్లాన్లలో లభిస్తుంది. కంపెనీ అధికారిక వెబ్‌సైట్ (www.icicilife.com) ద్వారా ఐసీఐసీఐ లైఫ్ ప్రొటెక్ట్ ఎన్ గెయిన్, సిగ్నేచర్ అష్యూర్, సిగ్నేచర్, ప్లాటినం, వెల్త్ ఎలీట్ ప్రో వంటి ప్రముఖ ప్లాన్లలో లైఫ్ కవర్‌తో పాటు ఈ ఇన్వెస్ట్‌మెంట్ ఆప్షన్‌ను ఎంచుకోవచ్చు.
ఇది కూడా చదవండి: Keesara SI Bribery | ఛార్జీషీటు దాఖలు కోసం రూ.2 లక్షల లంచం.. ఏసీబీకి చిక్కిన ఎస్సై
