అక్షరటుడే, వెబ్డెస్క్: India Asian Games Medal | జపాన్లో జరుగుతున్న ఆసియా గేమ్స్ (Asian Games)లో భారత్ మరో పతకం సాధించింది. మహిళల 78 కేజీల కురాష్ ఈవెంట్లో పింకీ బల్హారా కాంస్యం గెలుచుకుంది. ఆమె తన 2018 ఆసియా క్రీడల ప్రదర్శనను పునరావృతం చేసింది.
సోమవారం జరిగిన సెమీ-ఫైనల్స్లో దక్షిణ కొరియాకు చెందిన మో సుమిన్తో తలపడిన బల్హారా ఓడిపోయింది. పోటీ అంతటా వెనుకబడి ఆమె 0–5 తేడాతో పరాజయం పాలైంది. దీంతో మూడవ స్థానం కోసం ప్లేఆఫ్ లేనందున, ఓడిపోయిన ఇద్దరు సెమీ-ఫైనలిస్టులకు కాంస్యం లభిస్తుంది. దీంతో ఆమెకు బ్రాంజ్ మెడల్ వచ్చింది.
India Asian Games Medal | షూటింగ్లో నిరాశ
షూటింగ్ ఈవెంట్లలో భారత్కు సోమవారం నిరాశ ఎదురైంది. మహిళల 25 మీటర్ల పిస్టల్ టీమ్ ఫైనల్లో రాహి సర్నోబత్ పతకాన్ని కోల్పోయింది. మను భాకర్ కూడా అదే ఈవెంట్ వ్యక్తిగత ఫైనల్లో స్థానం కోల్పోగా, ఈషా సింగ్ 8వ స్థానంలో నిలిచి అర్హత సాధించింది. బాక్సింగ్లో భారత్కు పతకాలు వచ్చే అవకాశాలు ఉన్నాయి. 75 కేజీల బాక్సింగ్లో లవ్లీనా బోర్గోహైన్ సెమీఫైనల్స్కు అర్హత సాధించి, భారత్కు పతకాన్ని ఖాయం చేసింది.
ఇది కూడా చదవండి..: Asia Games Cricket | ఆసియా క్రీడల్లో సెమీస్కు భారత్
