అక్షరటుడే వెబ్డెస్క్: IndiGo Lite Fare | తక్కువ లగేజీతో ప్రయాణించే ప్రయాణికులపై ఆర్థిక భారాన్ని తగ్గించే లక్ష్యంతో, ఇండిగో సంస్థ ‘ఇండిగో లైట్’ (IndiGo Lite) అనే కొత్త రాయితీ ఛార్జీల విధానాన్ని ప్రవేశపెట్టింది. ఈ కొత్త ప్లాన్ ద్వారా, ప్రయాణికులు తమకు అవసరమైన సేవలకు మాత్రమే డబ్బులు చెల్లించే అవకాశం ఉంటుంది.
IndiGo Lite Fare | ‘ఇండిగో లైట్’ అంటే ఏమిటి?
సాధారణంగా విమాన ప్రయాణాల్లో లగేజీ ఛార్జీలు టికెట్ ధరలో కలిసి ఉంటాయి. కానీ, ఈ కొత్త విధానంలో చెక్-ఇన్ బ్యాగేజీ అవసరం లేని వారు, కేవలం క్యాబిన్ బ్యాగ్తో మాత్రమే ప్రయాణించే వారు తక్కువ ధరకే టికెట్లను బుక్ చేసుకోవచ్చు. దీనివల్ల ప్రయాణికులు తమ ప్రయాణ ఖర్చులను ఆదా చేసుకునే వెసులుబాటు ఉంటుంది.
IndiGo Lite Fare | బుకింగ్ వివరాలు..
ఈ కొత్త ఆఫర్ బుకింగ్లు జులై 1, 2026 నుంచి అందుబాటులోకి వచ్చాయి. జులై 15, 2026 నుంచి జరిగే ప్రయాణాలకు ఈ రాయితీ వర్తిస్తుంది. దేశీయ, అంతర్జాతీయ నాన్-స్టాప్ విమానాల్లో ప్రయాణించే పెద్దలు, పిల్లలు అందరూ ఈ సదుపాయాన్ని పొందవచ్చు. వన్-వే, రౌండ్ ట్రిప్, మల్టీసిటీ ప్రయాణాలన్నింటికీ ఇది వర్తిస్తుంది.
IndiGo Lite Fare | ఎక్కడ బుక్ చేసుకోవాలి?
ఈ ఆఫర్ పొందాలనుకునే వారు ఇండిగో అధికారిక వెబ్సైట్, మొబైల్ యాప్ లేదా వారి కాంటాక్ట్ సెంటర్ ద్వారా నేరుగా టికెట్లు బుక్ చేసుకోవాలి. ఈ నిర్ణయం వల్ల ముఖ్యంగా తక్కువ లగేజీతో ప్రయాణించే మధ్యతరగతి , వ్యాపార ప్రయాణికులకు ప్రయాణం మరింత సులభతరం, చౌకగా మారుతుందని విమానయాన రంగ నిపుణులు అభిప్రాయపడుతున్నారు.
ఇది కూడా చదవండి: Babli Gates | బాబ్లీ గేట్లు ఎత్తివేత.. పాల్గొన్న మహారాష్ట్ర, తెలంగాణ నీటిపారుదల శాఖ అధికారులు
