అక్షరటుడే, వెబ్డెస్క్: Infinix GT 50 Pro | చైనాకు చెందిన స్మార్ట్ ఫోన్ తయారీ కంపెనీ అయిన ఇన్ఫినిక్స్ భారత మార్కెట్‌లోకి ప్రీమియం ఫోన్‌ను తీసుకువచ్చింది. జీటీ 50 ప్రొ పేరుతో మంగళవారం(అక్టోబర్ 27) కొత్త ఫోన్‌ను విడుదల చేసింది. స్టైలిష్ లుక్‌తో తీసుకువచ్చిన ఈ ఫోన్‌లో ఆండ్రాయిడ్ 16 ఆపరేటింగ్ సిస్టమ్ ఆధారంగా పనిచేసే మీడియాటెక్ డైమెన్సిటీ 8400 అల్టిమేట్ ప్రాసెసర్ అమర్చారు. 6500 ఎంఏహెచ్ బ్యాటరీ, 45డబ్ల్యూ ఫాస్ట్ చార్జింగ్ సపోర్ట్, లిక్విడ్ కూలింగ్ సిస్టమ్ వంటి ప్రత్యేకతలున్నాయి. ఫ్లిప్కార్ట్ (Flipkart)లో ప్రీ బుకింగ్స్ ప్రారంభమైన ఈ ఫోన్ స్పెసిఫికేషన్స్ తెలుసుకుందామా..
డిస్‌ప్లే : 6.78 ఇంచ్ 1.5కే అమోలెడ్ డిస్‌ప్లే అమర్చారు. ఇది 144 హెడ్జ్ రిఫ్రెష్ రేట్, 1208 2644 పిక్సల్స్ రిజల్యూషన్ కలిగి ఉంది.
కార్నింగ్ గొరిల్లా గ్లాస్ 7ఐ ప్రొటెక్షన్ ఇస్తుంది. ఐపీ64 వాటర్ అండ్ డస్ట్ రెసిస్టన్స్ రేటింగ్ ఉంది.
సాఫ్ట్‌వేర్ : మీడియాటెక్ డైమెన్సిటీ 8400 అల్టిమేట్ ప్రాసెసర్‌తో వచ్చిన ఈ ఫోన్ ఆండ్రాయిడ్ 16 ఆధారిత ఎక్స్ వోఎస్ ఆపరేటింగ్ సిస్టంతో పనిచేస్తుంది.
Infinix GT 50 Pro | కెమెరా సెటప్..
వెనకవైపు 50 మెగా పిక్సెల్ మెయిన్ కెమెరాతో పాటు 8 మెగా పిక్సెల్ అల్ట్రా వైడ్ లెన్స్ తో కూడిన డ్యుయల్ కెమెరా సెట్ అప్ ఉంది. ముందువైపు సెల్ఫీలు, వీడియో కాల్స్ కోసం 13 మెగా పిక్సెల్ కెమెరా ఇచ్చారు.
Infinix GT 50 Pro | బ్యాటరీ సామర్థ్యం..
6500 ఎంఏహెచ్ బ్యాటరీ అమర్చారు. ఇది 45డబ్ల్యూ ఫాస్ట్ చార్జింగ్‌ను, 30డబ్ల్యూ వైర్ లెస్ చార్జింగ్‌ను సపోర్ట్ చేస్తుంది.
Infinix GT 50 Pro | సింగిల్ వేరియంట్..
బ్లాక్, రెడ్ బ్లేజ్ కలర్స్‌లో 12 జీబీ ర్యామ్, 256 జీబీ ఇంటర్నల్ స్టోరేజ్ సింగిల్ వేరియంట్‌లో తీసుకువచ్చారు. దీని ధర రూ. 69,999.
కార్డ్ ఆఫర్స్ : హెచ్డీఎఫ్సీ బ్యాంక్ క్రెడిట్ కార్డుతో కొనుగోలు చేస్తే రూ. 5 వేల వరకు డిస్కౌంట్, ఫ్లిప్కార్ట్ యాక్సిస్ బ్యాంక్ క్రెడిట్ కార్డుతో 5 శాతం వరకు క్యాష్ బ్యాక్ లభించనున్నాయి.
ఇది కూడా చదవండి..: Stock Market | మార్కెట్‌లో తీవ్ర ఒడిదుడుకులు.. ఫ్లాట్‌గా ముగిసిన సూచీలు
