అక్షరటుడే, వెబ్డెస్క్: IPL 2026 Final | ఐపీఎల్ (2026) 19వ సీజన్ టైటిల్ను రాయల్ ఛాలెంజర్స్ బెంగళూరు గెలుచుకుంది. అహ్మదాబాద్లోని నరేంద్ర మోదీ స్టేడియంలో మే 31న డిఫెండింగ్ ఛాంపియన్ రాయల్ ఛాలెంజర్స్ బెంగళూరు (RCB) – గుజరాత్ టైటాన్స్ (GT) జట్ల మధ్య జరిగిన తుదిపోరులో ఆర్సీబీ విజయం సాధించింది.
IPL 2026 Final | 19వ సీజన్ Title
రాయల్ ఛాలెంజర్స్ బెంగళూరు (RCB) ఆటగాళ్లు 2025లో తమ తొలి ఐపీఎల్ ట్రోఫీని గెలుచుకున్నారు. తాజా గెలుపుతో వారి ఖాతాలో రెండో టైటిల్ కూడా చేరింది. ఐపీఎల్ ప్రారంభం అయ్యాక ఇది 19వ సీజన్ కావడం గమనార్హం. అంటే 19వ సీజన్ టైటిల్ ఆర్సీబీ ఖాతాలో చేరింది.
టాస్ గెలిచిన RCB తొలుత బౌలింగ్ ఎంచుకుంది. బెంగళూరు బౌలర్ రసిఖ్ సలామ్ దార్ (3/27) అద్భుత బౌలింగ్తో చెలరేగడంతో గుజరాత్ టైటాన్స్ నిర్ణీత 20 ఓవర్లలో 8 వికెట్ల నష్టానికి 155 పరుగులకే పరిమితమైంది. గుజరాత్ జట్టులో వాషింగ్టన్ సుందర్ (50*) ఒంటరి పోరాటం చేసి హాఫ్ సెంచరీ సాధించాడు.
IPL 2026 Final | కింగ్ కోహ్లీ వీరవిహారం.. రసిఖ్ సలామ్ మ్యాజిక్
అనంతరం 156 పరుగుల లక్ష్యంతో బరిలోకి దిగిన ఆర్సీబీ 18 ఓవర్లలోనే 5 వికెట్లు కోల్పోయి 161 పరుగులు చేసి విజయాన్ని అందుకుంది. రన్ ఛేజింగ్లో ‘కింగ్’ విరాట్ కోహ్లీ కేవలం 25 బంతుల్లోనే తన ఐపీఎల్ కెరీర్లోనే అత్యంత వేగవంతమైన హాఫ్ సెంచరీ పూర్తి చేసుకుని, మొత్తంగా 75 (42 బంతులు; 9 ఫోర్లు, 3 సిక్సర్లు) పరుగులతో అజేయంగా నిలిచి జట్టును విజయతీరాలకు చేర్చాడు. గుజరాత్ బౌలర్లలో రాషిద్ ఖాన్ 2 వికెట్లు తీసినప్పటికీ ఫలితం లేకపోయింది.
Japan Population Crisis | సూర్యుడు ఉదయించే దేశంలో.. శృంగార అస్తమయం!
