అక్షరటుడే, వెబ్డెస్క్: Asian Para Games | జపాన్లో జరుగుతున్న ఆసియా పారా గేమ్స్ (Asian Para Games)లో భారత క్రీడాకారులు సత్తా చాటుతున్నారు. గురువారం శీతల్ దేవి, తోమన్ కుమార్ జోడీ ఆర్చరీ కాంపౌండ్ మిక్స్డ్ టీమ్ ఈవెంట్‌లో ఇండోనేషియాపై విజయం సాధించి స్వర్ణ పతకాన్ని గెలుచుకుంది. 1,402 పాయింట్ల సంయుక్త స్కోరుతో ప్రపంచ రికార్డును బద్దలు కొట్టింది.
ఫైనల్‌లో శీతల్ దేవి, తోమన్ కుమార్ అద్భుత ప్రదర్శన కనబరిచి, ఇండోనేషియాను 151-148 తేడాతో ఓడించి పోడియంపై అగ్రస్థానంలో నిలిచారు. మహిళల డిస్కస్ త్రోలో సువర్ణ రాజ్ స్వర్ణం సాధించింది పారా-ఆర్చరీలో మహిళల విభాగంలో హోరాహోరీగా జరిగిన ఫైనల్‌లో చైనాకు చెందిన సెన్ మెంగ్కాన్ చేతిలో 4-6 తేడాతో ఓడిపోయిన స్వాతి చౌదరి రజత పతకాన్ని సాధించింది.
బ్యాడ్మింటన్లో కాంస్య పతకాలు
బ్యాడ్మింటన్ పురుషుల సింగిల్స్లో భారత ఆటగాళ్లు అభిజీత్ సఖుజా, సుహాస్ యతిరాజ్ కాంస్యం కైవసం చేసుకున్నారు. యతిరాజ్ ఇండోనేషియాకు చెందిన ఫ్రెడీ సెటియావాన్‌తో జరిగిన హోరాహోరీ పోరులో ఓడిపోయారు. మరోవైపు సఖుజా తన మ్యాచ్‌లో నవీన్ శివకుమార్ (భారత్) చేతిలో 21-13, 21-15 తేడాతో పరాజయం పాలయ్యారు. కృష్ణ నగర్, నిత్య శ్రీ మిక్స్డ్ డబుల్స్ విభాగంలో కాంస్య పతకాన్ని కైవసం చేసుకున్నారు.
ఇది కూడా చదవండి..: Asian Para Games | ఆసియా పారా గేమ్స్లో మరో గోల్డ్ మెడల్
