అక్షరటుడే, వెబ్డెస్క్: దేశవ్యాప్తంగా ఐపీఎల్ ఫీవర్ కొనసాగుతుండడాన్ని కొందరు స్వార్థపరులు సొమ్ము చేసుకుంటున్నారు. క్రికెట్ అభిమానుల క్రేజ్ను ఆసరాగా చేసుకుని టికెట్లను బ్లాక్లో విక్రయిస్తున్న ముఠాపై మల్కాజ్గిరి ఎస్ఓటీ పోలీసులు మెరుపు దాడి చేశారు.
IPL Ticket Scam | అసలు ఏం జరిగిందంటే?..
ఐపీఎల్ క్రేజ్ను పెట్టుబడిగా మార్చుకుని అక్రమ సంపాదనకు తెరలేపిన ఒక ముఠా గుట్టును మల్కాజ్గిరి ఎస్ఓటీ (SOT) పోలీసులు రట్టు చేశారు. పక్కా సమాచారంతో రంగంలోకి దిగిన పోలీసులు, క్రికెట్ అభిమానులను దోచుకుంటున్న ఈ ముఠాను వ్యూహాత్మకంగా అదుపులోకి తీసుకున్నారు. సాధారణంగా క్రికెట్ క్లబ్ల నిర్వహణ కోసం ఒక్కో క్లబ్ సెక్రటరీకి 17 అధికారిక టికెట్లను కేటాయిస్తారు. అయితే, ఈ టికెట్లను అసలైన అభిమానులకు అందకుండా చేసి, అక్రమ మార్గంలో బ్లాక్ మార్కెట్కు మళ్లిస్తున్నట్లు పోలీసులు గుర్తించారు. నిబంధనల ప్రకారం కేటాయించిన ఈ టికెట్లను, నిర్ణీత ధర కంటే కొన్ని రెట్లు ఎక్కువ రేటుకు విక్రయిస్తూ భారీగా లాభాలు గడిస్తున్నట్లు తేలింది.
IPL Ticket Scam| ముమ్మరంగా దర్యాప్తు..
ఈ దందాలో క్లబ్ సెక్రటరీల పాత్ర ఉన్నట్లు కీలక ఆధారాలు లభించడంతో పోలీసులు ఆ దిశగా విచారణను వేగవంతం చేశారు. సామాన్య అభిమానులను దోచుకుంటున్న ఈ ముఠా వెనుక ఉన్న అసలు సూత్రధారులను పట్టుకునేందుకు గాలింపు చర్యలు చేపట్టారు. క్రికెట్ పట్ల ఉన్న ఆసక్తిని పెట్టుబడిగా మార్చుకుని అక్రమాలకు పాల్పడే వారిపై కఠిన చర్యలు తీసుకుంటామని పోలీసులు హెచ్చరించారు.
ఇది కూడా చదవండి: Hyderabad Chit Fund Scam | చిట్టీల పేరుతో మరో భారీ మోసం.. కేటుగాళ్లపై బాధితుల ఫిర్యాదు!
