అక్షరటుడే వెబ్డెస్క్: TTD VIP Darshan | తిరుమల శ్రీవారి ఆలయంలో జరగనున్న విశేష ఉత్సవాల నేపథ్యంలో టీటీడీ (Tirumala Tirupati Devasthanams) కీలక నిర్ణయం తీసుకుంది. జులై నెలలో జరగనున్న ప్రధాన పర్వదినాల దృష్ట్యా, కొన్ని రోజుల పాటు వీఐపీ బ్రేక్ దర్శనాలను రద్దు చేస్తున్నట్లు అధికారికంగా ప్రకటించింది. ఈ మార్పులను భక్తులు గమనించి, తమ యాత్ర ప్రణాళికను సిద్ధం చేసుకోవాలని సూచించింది.
TTD VIP Darshan | దర్శనాల రద్దుకు కారణాలు..
శ్రీవారి ఆలయంలో జులై 14న ‘కోయిల్ ఆళ్వార్ తిరుమంజనం’ కార్యక్రమం , జులై 17న అత్యంత వైభవంగా ‘ఆణివార ఆస్థానం’ వేడుకలు జరగనున్నాయి. ఈ విశేష ఉత్సవాల నిర్వహణ కోసం ఆలయ యంత్రాంగం ఏర్పాట్లు చేస్తోంది. ఈ వేడుకల సమయంలో భక్తుల రద్దీని దృష్టిలో ఉంచుకుని, వీఐపీ బ్రేక్ దర్శనాలను రద్దు చేయాలని నిర్ణయించారు.
TTD VIP Darshan | సిఫార్సు లేఖల స్వీకరణపై ఆంక్షలు..
వీఐపీ బ్రేక్ దర్శనాలు రద్దు కావడంతో, దానికి ముందు రోజుల్లో వచ్చే సిఫార్సు లేఖల విషయంలోనూ టీటీడీ స్పష్టతనిచ్చింది. జులై 13 , జులై 16 తేదీల్లో బ్రేక్ దర్శనాలకు సంబంధించిన ఎటువంటి సిఫార్సు లేఖలను స్వీకరించబోమని అధికారులు స్పష్టం చేశారు. కాబట్టి, భక్తులు ఈ రోజుల్లో సిఫార్సు లేఖలతో రావద్దని కోరారు.
TTD VIP Darshan | రద్దయిన ఆర్జిత సేవలు..
‘ఆణివార ఆస్థానం’ సందర్భంగా జులై 17వ తేదీన ఆలయంలో జరగాల్సిన నిత్య ఆర్జిత సేవలను టీటీడీ రద్దు చేసింది. ఆ రోజున కల్యాణోత్సవం, ఊంజల్ సేవ, ఆర్జిత బ్రహ్మోత్సవం , సహస్ర దీపాలంకరణ సేవలు ఉండవు. భక్తులు ఈ మార్పులను గమనించి, తమ పర్యటనను అనుకూలంగా మార్చుకోవాలని టీటీడీ విజ్ఞప్తి చేసింది.
ఇది కూడా చదవండి: Paddy Bonus Guidelines | సన్నాలకు బోనస్పై ప్రభుత్వం కొత్త మార్గదర్శకాలు.. రైతులకు తిప్పలు
