అక్షరటుడే, వెబ్డెస్క్ : KTR Kaleshwaram Visit | బీఆర్ఎస్ వర్కింగ్ ప్రెసిడెంట్ కేటీఆర్ కాళేశ్వరం ప్రాజెక్టు (Kaleshwaram Project)లో అంతర్భాగమైన కన్నెపల్లి పంప్హౌస్ సందర్శనకు హైదరాబాద్ నుంచి బయలుదేరారు. అయితే ఆయనను అడుగడునా పోలీసులు అడ్డుకుంటున్నారు.
ఎల్నినో ప్రభావంతో రాష్ట్రాలో వర్షాలు తక్కువగా కురుస్తాయని వాతావరణ శాఖ అధికారులు తెలిపిన విషయం తెలిసిందే. దీంతో కాళేశ్వరం నుంచి నీటిని ఎత్తిపోసి ప్రాజెక్ట్లను నింపాలని కేటీఆర్ డిమాండ్ చేశారు. ఈ మేరకు జయశంకర్ భూపాలపల్లి జిల్లాలోని కన్నెపల్లి పంప్హౌజ్ పరిశీలనకు బయలుదేరారు. ఆయన వెంట మాజీ మంత్రి, ఎమ్మెల్యే గంగుల కమలాకర్, ఎంపీ వద్దిరాజు రవిచంద్ర, ఎమ్మెల్యేలు పల్లా రాజేశ్వర్ రెడ్డి, పాడి కౌశిక్ రెడ్డి, మాజీ ఎంపీ బోయినపల్లి వినోద్ కుమార్, బాల్క సుమన్, జీవన్ రెడ్డి, ఒడితల సతీష్ కుమార్, చల్లా ధర్మారెడ్డి తదితరులు ఉన్నారు.
KTR Kaleshwaram Visit | బారికేడ్లు అడ్డుపెట్టి..
కేటీఆర్తో పాటు బీఆర్ఎస్ (BRS) నాయకులను హైదరాబాద్ – వరంగల్ హైవే మీద పెంబర్తి వద్ద బారికేడ్లు పెట్టి పోలీసులు అడ్డుకున్నారు. దీంతో పోలీసులతో బీఆర్ఎస్ నేతల వాగ్వివాదం చేశారు. ఈ సందర్భంగా కేటీఆర్ మాట్లాడుతూ.. కాంగ్రెస్ సర్కార్కు చేతకాక పోతే కేసీఆర్ గారికి అప్పజెప్పాలన్నారు. మోటార్లు ఆన్ చేసి వారం రోజుల్లోపే అన్ని జలాశయాలు నింపి చూపెడుతామని పేర్కొన్నారు. మేడిగడ్డ వద్ద లక్ష క్యూసెక్కుల నీళ్లు ప్రవహిస్తూ.. వృథాగా పోతుంటే మోటార్లు ఎందుకు ఆన్ చేస్తలేరని ప్రశ్నించారు. బీఆర్ఎస్ నాయకులు వాగ్వాదం చేయడంతో కేటీఆర్ను పోలీసులు అనుమతించారు.
KTR Kaleshwaram Visit | లారీలు అడ్డుపెట్టి..
పెంబర్తిని దాటి వచ్చిన కేటీఆర్ను హైదరాబాద్ – వరంగల్ హైవేపై కోమల్ల టోల్ ప్లాజా వద్ద మరోసారి పోలీసులు అడ్డుకున్నారు. ఏకంగా లారీలను రోడ్డుకు అడ్డంగా పెట్టి ఆయన కాన్వాయ్ను ఆపారు. కేటీఆర్ మాట్లాడుతూ.. కాంగ్రెస్ సర్కార్ పోలీసులను పెట్టి ఎంత అడ్డుకునే ప్రయత్నం చేసినా తప్పకుండా కన్నెపల్లి పంప్ హౌస్ వద్దకు చేరుకుంటామన్నారు. నీళ్లను ఎత్తిపోయకుండా రైతుల పొలాలను ఎండబెట్టే కుట్ర చేస్తున్న రేవంత్ సర్కార్ దుర్మార్గపు వైఖరిని ఎండగడతామన్నారు.
జనగాం సమీపంలోని పెంబర్తి వద్ద హైవేపై బారికేడ్లు పెట్టి కేటీఆర్ కాన్వాయ్ను అడ్డుకున్న పోలీసులు#breakingnews #ktr #telanganapolitics pic.twitter.com/nPc1BZaAQS
— Akshara Today | Telugu News (@aksharatoday) July 5, 2026
దీనిని కూడా చదవండి : Paddy Bonus Guidelines | సన్నాలకు బోనస్పై ప్రభుత్వం కొత్త మార్గదర్శకాలు.. రైతులకు తిప్పలు
