అక్షరటుడే, వెబ్డెస్క్: Revanth Reddy Harvard Training | ముఖ్యమంత్రి రేవంత్రెడ్డి గతంలో ప్రపంచంలో ప్రఖ్యాతి చెందిన హార్వర్డ్యూనివర్సిటీలో శిక్షణలో పాల్గొన్న విషయం తెలిసిందే. దీనిపై తాజాగా ఎంపీ అర్వింద్ సెటైర్లు వేశారు. ఆయన శుక్రవారం నాంపల్లిలోని పార్టీ కార్యాలయంలో విలేకరులతో మాట్లాడారు.
సీఎం రేవంత్రెడ్డి (CM Revanth Reddy) జనవరిలో అమెరికాలోని హార్వర్డ్ కెన్నెడి స్కూల్లో నిర్వహించిన లీడర్షిప్ ఇన్ ది 21 సెంచరీ అనే ఎగ్జిక్యూటివ్ లీడర్షిప్ శిక్షణ కార్యక్రమంలో పాల్గొన్నారు. ఈ కార్యక్రమం జనవరి 25 నుంచి 30 వరకు జరిగింది. శిక్షణలో నాయకత్వం, పాలన, సంక్షోభ నిర్వహణ, నిర్ణయాల తీసుకోవడం వంటి అంశాలపై అధ్యయనం జరిగింది. ఈ కార్యక్రమానికి సీఎం వెళ్లడంపై అప్పట్లో కాంగ్రెస్ నాయకులు గొప్పగా ప్రచారం చేశారు. దేశ చరిత్రలో తొలిసారి ఓ ముఖ్యమంత్రి వెళ్లారని చెప్పినట్లు ఎంపీ అర్వింద్ అన్నారు.
Revanth Reddy Harvard Training | ఎవరైనా వెళ్లొచ్చు
రేవంత్ రెడ్డి హార్వర్డ్ యూనివర్సిటీ శిక్షణ హడావుడి అంతా ఒక బిల్డప్ కార్యక్రమం అని అర్వింద్ (MP Arvind) విమర్శించారు. తనకు తెలిసిన వ్యక్తితో శిక్షణ కోసం దరఖాస్తు చేయించినట్లు ఆయన చెప్పారు. దీంతో ఫీజు కట్టమని ఐదు సార్లు ఆ యూనివర్సిటీ మెయిల్ చేసిందన్నారు. డబ్బులుంటు ఎవరైనా శిక్షణకు వెళ్లొచ్చని, దానిని గొప్పగా సీఎం చెప్పుకున్నారని ఎద్దేవా చేశారు. ముఖ్యమంత్రి ఆ శిక్షణ కోసం రూ.12 లక్షల ఫీజు, ఫ్లైట్ టికెట్స్, ఇతర ఖర్చులకు డబ్బులు వృథా చేశారన్నారు.
ఇది కూడా చదవండి..: Manjeera Survey | మంజీరాలో అధికారుల సర్వే.. పత్తాలేని మహారాష్ట్ర అధికారులు
