అక్షరటుడే, వెబ్డెస్క్: June 25 Market Analysis | మెగాక్యాప్ టెక్ స్టాక్స్లో అమ్మకాల ఒత్తిడి కారణంగా నాస్డాక్ (Nasdaq), ఎస్ అండ్ పీ గత సెషన్లో నష్టాలతో ముగిశాయి. అయితే అమెరికాకు చెందిన చిప్మేకర్ మైక్రాన్ టెక్నాలజీ క్యూ2లో అంచనాలను మించిన ఆదాయాల ప్రకటన తర్వాత వాల్స్ట్రీట్ ఫ్యూచర్స్ పుంజుకున్నాయి.
దీని ప్రభావంతో గురువారం ఉదయం ఆసియా మార్కెట్లు చాలా వరకు లాభాలతో ట్రేడ్ అవుతున్నాయి. ప్రపంచ మార్కెట్ల(Global markets) నుంచి అందుతున్న పాజిటివ్ సంకేతాలతో మన మార్కెట్లు కూడా లాభాలతో ప్రారంభమయ్యే అవకాశాలున్నాయి.
June 25 Market Analysis | యూఎస్ మార్కెట్లు..
గత సెషన్లో నాస్డాక్ 0.43 శాతం, ఎస్ అండ్ పీ 0.10 శాతం నష్టపోగా.. గురువారం ఉదయం డౌజోన్స్ ఫ్యూచర్స్ స్వల్ప లాభాలతో ఉంది.
June 25 Market Analysis | యూరోప్ మార్కెట్లు..
ఫ్రాన్స్కు చెందిన సీఏసీ 0.53 శాతం, యూకేకు చెందిన ఎఫ్ టీఎస్ ఈ 0.31 శాతం లాభపడగా.. జర్మనీకి చెందిన డీఏఎక్స్ 0.62 శాతం నష్టపోయింది.
Hyderabad Water Crisis | ఐటీ హబ్ల తళతళల వెనుక ‘జల’ సంక్షోభం: భాగ్యనగరంలో పాతాళంలోకి భూగర్భ జలాలు!
June 25 Market Analysis | ఆసియా మార్కెట్లు..
ప్రధాన ఆసియా మార్కెట్లు మిక్స్డ్గా ఉన్నాయి. ఉదయం 8.10 గంటల ప్రాంతంలో సౌత్ కొరియాకు చెందిన కోస్పీ(Kospi) 5.14 శాతం, జపాన్కు చెందిన నిక్కీ 3.93 శాతం, తైవాన్ స్టాక్ ఎక్స్ఛేంజ్ 0.10 శాతం, సింగపూర్కు చెందిన స్ట్రెయిట్ టైమ్స్ 0.04 శాతం లాభాలతో ఉండగా.. హాంగ్కాంగ్కు చెందిన హాంగ్సెంగ్ 1.62 శాతం, చైనాకు చెందిన షాంఘై 0.09 శాతం నష్టంతో కదలాడుతున్నాయి. గిఫ్ట్ నిఫ్టీ, నిఫ్టీ 0.34 శాతం లాభంతో ఉండడంతో మన మార్కెట్లు గ్యాప్ అప్లో ప్రారంభమయ్యే అవకాశాలు కనిపిస్తున్నాయి.
గమనించాల్సిన అంశాలు..
- ఎఫ్ఐఐలు గత సెషన్లో నికరంగా రూ. 1,843 కోట్ల విలువైన స్టాక్స్ విక్రయించారు.
- డీఐఐలు గత సెషన్లో నికరంగా రూ. 3,637 కోట్ల విలువైన స్టాక్స్ కొన్నారు.
- డాలర్తో రూపాయి మారకం విలువ 8 పైసలు బలపడి 94.66 వద్ద ఉంది.
- యూఎస్ డాలర్ ఇండెక్స్ 101.52 వద్ద, పదేళ్ల బాండ్ ఈల్డ్ 4.41 వద్ద ఉన్నాయి.
- హార్ముజ్ జలసంధిలో రాకపోకలు సాధారణ స్థితికి చేరుకుంటున్న తరుణంలో ముడిచమురు ధరలు తగ్గుతున్నాయి. బ్రెంట్ క్రూడ్ ఆయిల్ ధర బ్యారెల్ కు 72.37 డాలర్ల వద్ద ఉంది.
- సెన్సెక్స్ డెరివేటివ్స్ వీక్లీ ఎక్స్పైరీ నేపథ్యంలో మార్కెట్లో ఒడుదుడుకులు ఉండే అవకాశాలున్నాయి.
