అక్షరటుడే, కామారెడ్డి: Kamareddy Road Potholes | జిల్లా కేంద్రంలోని (Kamareddy) నిజాంసాగర్ చౌరస్తాలోని హనీ బేకర్స్ మూలమలుపు మృత్యు మలుపుగా మారింది. రోడ్డుపై ఏర్పడిన భారీ గుంతలు, అడ్డంగా ఉన్న బారికేడ్లతో ఆ మలుపు వాహనదారులకు నరకం చూపుతోంది.
Kamareddy Road Potholes | భారీ గుంతలతో..
బేకరీకి సరిగ్గా ముందే రోడ్డు తేలిపోయి గుంతలు పడ్డాయి. చౌరస్తాలో ట్రాఫిక్ సమస్య పరిష్కారం కోసం పోలీసులు యూటర్న్ మూసేస్తూ వేసిన బారికేడ్లు దానికి తోడయ్యాయి. దీంతో గుంతలకు, బారికేడ్లకు మధ్య ఒక కారు మాత్రమే వెళ్లేంత ఇరుకు స్థలం మిగిలింది. మూలమలుపు కావడంతో ఎదురుగా వచ్చే వాహనం కనిపించక ప్రమాదాలు జరుగుతున్నాయి. ఈ సమస్యపై గతంలో అక్షరటుడేలో కథనం రాగానే అధికారులు మట్టి, కంకరతో పూడ్చి తాత్కాలికంగా బీటీ రోడ్డు వేసి చేతులు దులుపుకున్నారు. ఇటీవల కురుసిన వర్షాలకు ఆ ప్యాచ్ వర్క్ కొట్టుకుపోయి పరిస్థితి మొదటికి వచ్చింది. రోడ్డుపైకి వచ్చిన కంకర రాళ్లతో వాహనాలు స్కిడ్ అవుతున్నాయి.
Kamareddy Road Potholes | వారం క్రితం ఓ వ్యక్తి..
వారం క్రితం ఉదయం 8 గంటలకు తన కుమార్తెను కళాశాలకు తీసుకెళ్తున్న ఓ తండ్రి ఇదే మూల మలుపు వద్ద కంకర రాయి తగిలి స్కిడ్ అయి బైకుపై నుంచి పడిపోయారు. వెనుక వాహనాలు లేకపోవడంతో పెద్ద ప్రమాదం తప్పింది. రెండు రోజుల్లో వినాయక నిమజ్జన శోభాయాత్రలు ఇదే దారి నుంచి వెళ్లనున్న నేపథ్యంలో భారీ వాహనాలు, ట్రాక్టర్లు ఈ గుంతల్లో ఇరుక్కుంటే ప్రమాదం తప్పదని వాహనదారులు ఆందోళన చెందుతున్నారు. ప్రాణాలు పోయిన తర్వాత మేల్కొనే అధికారుల తీరుపై స్థానికులు మండిపడుతున్నారు.
ఇది కూడా చదవండి: DUSU Election Results | ఢిల్లీ యూనివర్సిటీ ఎన్నికల్లో ఏబీవీపీ ఘన విజయం
