అక్షరటుడే, వెబ్డెస్క్: Milk Packet Colors | పాల ప్యాకెట్లు నీలం, ఆకుపచ్చ, నారింజ వంటి వేర్వేరు రంగుల్లో ఉండడాన్ని మీరు గమనించే ఉంటారు. అయితే ఆ రంగు కేవలం వినియోగదారులను ఆకర్షించడానికి ఎంచుకున్నది కాదు.. ఒక్కో రంగు ఆ పాలలోని కొవ్వు శాతాన్ని చెబుతుంది. మరి ఏ రంగు ప్యాకెట్లో ఎంత కొవ్వు శాతం ఉంటుందో తెలుసుకుందామా..
Milk Packet Colors | ఏ కంపెనీ చూసినా..
అమూల్, మదర్ డెయిరీ, విజయ, ఆరోగ్య, దొడ్ల, ప్రియ, కరీంనగర్, హెరిటేజ్, జెర్సీ.. ఇలా ఏ కంపెనీ పాల ప్యాకెట్ అయినా పూర్తిగా తెల్ల రంగులోనే ఉండదు.. భారతదేశంలో పాల ప్యాకెట్లు ఎక్కువగా తెలుపుతోపాటు నీలం, ఆకుపచ్చ, నారింజ రంగులలో లభిస్తాయి. కొన్ని ఇతర రంగులతో కూడి ఉంటాయి. ఆ పాలు లేతగా ఉన్నాయా, చిక్కగా ఉన్నాయా, మధ్యస్థంగా ఉన్నాయా అనే విషయాన్ని ఆయా రంగులు తెలియజేస్తాయి. అందుకే చాలామంది వినియోగదారులు ప్యాకెట్ లోపల ఎంత శాతం కొవ్వు ఉందో తెలుసుకోవడానికి ఈ రంగులనే కొండ గుర్తులుగా వాడతారు. మన దేశంలో ఆహార పదార్థాల నాణ్యతను, వాటి ప్యాకెట్ల మీద ఉండాల్సిన వివరాలను ఎఫ్ ఎస్ ఎస్ ఏఐ (FSSAI) అనే సంస్థ పర్యవేక్షిస్తుంది. అయితే పాల ప్యాకెట్లకు ఏ రంగు వేయాలనేది ఆయా డెయిరీ కంపెనీలే నిర్ణయించుకుంటాయి. అనేక డెయిరీలు అనుసరించే ప్రామాణిక ప్రభుత్వ మార్గదర్శకాల ప్రకారం దాదాపు ఒకేలా ఉంటాయి.
Milk Packet Colors | కొవ్వు శాతం ఆధారంగా..
టోన్డ్ మిల్క్ : నీలం రంగు పాల ప్యాకెట్లో ఉండే పాలను టోన్డ్ మిల్క్ అంటారు. ఇందులో 3 శాతం కొవ్వు ఉంటుంది. ఈ పాలు టీ, కాఫీలకు సరిపోతాయి.
స్టాండర్డైజ్డ్ మిల్క్ : ఆకుపచ్చ రంగు ప్యాకెట్లో ఉండేవాటిని స్టాండర్డైజ్డ్ మిల్క్ గా పిలుస్తారు. ఇందులో 4.5 శాతం కొవ్వు ఉంటుంది. ఇవి కొంచెం చిక్కగా ఉంటాయి.
ఫుల్ క్రీమ్ మిల్క్ :నారింజ రంగు ప్యాకెట్లలో ఉండే పాలను ఫుల్ క్రీమ్ మిల్క్గా పిలుస్తారు. ఇందులో 6 శాతం కొవ్వు ఉంటుంది. ఈ పాలు చాలా చిక్కగా ఉంటాయి. పెరుగు తయారీకి, స్వీట్స్ చేయడానికి బాగుంటాయి.
డబుల్ టోన్డ్ మిల్క్ : పింక్ లేదా మెజెంటా రంగులో ఉండే ప్యాకెట్లలో ఉండే పాలను డబుల్ టోన్డ్ మిల్క్ గా పేర్కొంటారు. ఇందులో 1.5 శాతమే కొవ్వు ఉంటుంది. బరువు తగ్గాలనుకునే వారికి లేదా డైట్లో ఉన్నవారికి ఈ పాలు మంచివి.
ఇది కూడా చదవండి..: Tamil Nadu Cabinet Expansion | తమిళనాడు మంత్రివర్గ విస్తరణ.. ఆరు దశాబ్దాల తర్వాత కాంగ్రెస్కు మంత్రి పదవులు
