అక్షరటుడే వెబ్‌డెస్క్: Modular Workspace | మారుతున్న కాలానికి అనుగుణంగా ఆఫీసుల రూపురేఖలను సులభంగా మార్చుకునేలా ఇంటీరియో బై గోద్రెజ్ (Interio by Godrej) సంస్థ సరికొత్త మోడ్యులర్ వర్క్‌‌ప్లేస్ సొల్యూషన్స్ కేటగిరీని మార్కెట్లోకి తెచ్చింది. ‘వర్క్‌స్కేప్స్’ (Workscapes) పేరుతో ఈ కొత్త శ్రేణి ఉత్పత్తులను ఆవిష్కరించినట్లు సంస్థ ప్రకటించింది. స్థిరమైన లేఅవుట్ల ఇబ్బంది లేకుండా, ఆఫీసు అవసరాలకు తగినట్లుగా సులభంగా సర్దుబాటు చేసుకునే ఫర్నిచర్ , ఇతర సామాగ్రిని ఈ కేటగిరీ కింద అందిస్తున్నారు.
Modular Workspace | ‘వర్క్‌స్కేప్స్’ ప్రత్యేకతలు..
భవనంలో ఎలాంటి నిర్మాణపరమైన మార్పులు చేయకుండానే.. ఆఫీసు అవసరాలకు తగినట్లుగా వీటిని సర్దుబాటు చేసుకోవచ్చు, పెంచుకోవచ్చు లేదా వేరే రూపంలోకి మార్చుకోవచ్చు. కొలాబరేషన్ టేబుల్స్, ప్రైవసీ సొల్యూషన్స్, మొబైల్ మార్కర్‌బోర్డ్స్, స్పేస్ డివైడర్స్, పవర్ సొల్యూషన్స్, స్టోరేజ్ ఎలిమెంట్స్, మీటింగ్ టూల్స్ , సీటింగ్ ఏర్పాట్లు వంటివి ఇందులో ఉన్నాయి. ఏకాగ్రతతో కూడిన పని (focused work), చర్చలు, హైబ్రిడ్ మీటింగ్‌లు , కాన్ఫరెన్స్‌ల వంటి వివిధ రకాల ఆఫీస్ అవసరాలకు ఈ ఉత్పత్తులు చక్కగా సరిపోతాయి.
Modular Workspace | వ్యాపార లక్ష్యాలు..
2026-27 ఆర్థిక సంవత్సరంలో (FY27) ఇంటీరియో బై గోద్రెజ్ ( Interio by Godrej ) బీటూబీ (B2B) , ఇన్‌స్టిట్యూషనల్ వ్యాపారంలో ఈ ‘వర్క్‌స్కేప్స్’ కేటగిరీ ద్వారా ఏకంగా 10 శాతం వృద్ధి సాధించడమే లక్ష్యంగా పెట్టుకున్నట్లు కంపెనీ వెల్లడించింది.
ఈ సందర్భంగా ఇంటీరియో బై గోద్రెజ్ సేల్స్ అండ్ మార్కెటింగ్ సీనియర్ వైస్ ప్రెసిడెంట్ సమీర్ జోషి మాట్లాడుతూ.. ఆధునిక ఆఫీసుల అవసరాలకు తగ్గట్టుగా ఫ్లెక్సిబిలిటీని అందించేలా దీన్ని డిజైన్ చేశామన్నారు. పూర్తిగా మన దేశంలోనే (ఇండిజెనస్ డిజైన్) రూపుదిద్దుకున్న ఈ ఉత్పత్తులు భారతీయ వ్యాపార సంస్థల ఆధునిక అవసరాలను తీరుస్తాయని ఆయన పేర్కొన్నారు.
ఇది కూడా చదవండి: Wife Suicide Case | భార్య ఆత్మహత్య కేసులో భర్తకు ఐదేళ్ల జైలుశిక్ష
