అక్షరటుడే వెబ్‌డెస్క్: Anantapur RTC Driver | తెలుగు రాష్ట్రాల్లో మహిళలకు ప్రభుత్వాలు కల్పిస్తున్న ఉచిత బస్సు ప్రయాణ సౌకర్యంపై అప్పుడప్పుడు వివాదాలు తలెత్తుతున్నాయి. కొందరు ఆర్టీసీ సిబ్బంది ప్రయాణికుల పట్ల దురుసుగా ప్రవర్తిస్తున్న ఘటనలు ఆందోళన కలిగిస్తున్నాయి. తాజాగా అనంతపురం జిల్లాలో చోటుచేసుకున్న ఇలాంటి ఘటనే తీవ్ర కలకలం రేపింది.
Anantapur RTC Driver | డ్రైవర్ అసభ్య పదజాలం..
అనంతపురం జిల్లా బత్తులపల్లి గ్రామంలో ఓ మహిళ ఆర్టీసీ బస్సు ఎక్కేందుకు ప్రయత్నించింది. ఆ సమయంలో బస్సు డోర్ క్లోజ్ చేయాలని ఆమె సూచించగా, డ్రైవర్ తీవ్రంగా మండిపడ్డాడు. మహిళల ఉచిత ప్రయాణాన్ని కించపరుస్తూ.. అత్యంత అసభ్యకరమైన పదజాలంతో దూషించినట్లు బాధితురాలు వాపోయింది. “ఫ్రీ బస్సే కదా.. మూసుకొని బస్సు ఎక్కు” అంటూ అందరి ముందూ ఆమెను అవమానించేలా మాట్లాడాడని ఆరోపించింది.
Anantapur RTC Driver | కలెక్టరేట్ ఎదుట నిరసన..
డ్రైవర్ తనతో అసభ్యంగా ప్రవర్తించడాన్ని సహించలేకపోయిన బాధితురాలు, తనకు న్యాయం చేయాలని కోరుతూ జిల్లా కలెక్టరేట్ ఎదుట ఆందోళనకు దిగింది. మరోవైపు, డ్రైవర్ వ్యవహారశైలిపై ఆగ్రహం వ్యక్తం చేసిన మహిళ బంధువులు అతనిపై దాడికి దిగారు. ఈ ఘటనపై సమాచారం అందుకున్న పోలీసులు వెంటనే రంగంలోకి దిగి, డ్రైవర్‌ను అదుపులోకి తీసుకుని విచారణ జరుపుతున్నారు. ఆర్టీసీ డ్రైవర్‌పై శాఖాపరంగా , చట్టపరంగా కఠిన చర్యలు తీసుకోవాలని బాధితురాలి కుటుంబ సభ్యులు డిమాండ్ చేస్తున్నారు.
ఫ్రీ బస్సే కదా గు.. మూసుకొని బస్సు ఎక్కు..!
అనంతపురం జిల్లాలో మహిళతో అసభ్యంగా మాట్లాడిన ఆర్టీసీ డ్రైవర్
బత్తలపల్లిలో ఆర్టీసీ బస్సు ఎక్కుతుండగా డ్రైవర్ అసభ్య పదజాలంతో దూషించాడంటూ కలెక్టర్ ఆఫీస్ వద్ద రోడ్డుపై బైఠాయించి నిరసన వ్యక్తం చేసిన మహిళ
ఆర్టీసీ డ్రైవర్ పై దాడికి యత్నించిన… pic.twitter.com/nHGEzW1yMp
— పెండ్లి పురుషోత్తం రెడ్డి (@PPR_CHALLA) September 29, 2026
ఇది కూడా చదవండి: Bodhan Municipal Meeting | బల్దియా సమావేశంలో కౌన్సిలర్లను మాట్లాడనివ్వరా..?
