అక్షరటుడే, బోధన్: Bodhan Municipal Meeting | బల్దియా సమావేశంలో మాట్లాడే అవకాశం ఇవ్వకపోతే తాము ప్రజలకు ఏం సమాధానం చెప్పాలని కౌన్సిలర్లు ఆగ్రహం వ్యక్తం చేశారు. ఈ మేరకు మున్సిపల్ సమావేశంలో అధికారులను ఘెరావ్ చేశారు.
Bodhan Municipal Meeting | ఏకపక్షంగా ఎజెండా ఆమోదించారని..
బోధన్ (Bodhan) మున్సిపాలిటీ సర్వసభ్య సమావేశం మున్సిపల్ ఛైర్పర్సన్ తూము పద్మ అధ్యక్షతన మంగళవారం నిర్వహించారు. ఈ సమావేశంలో బీజేపీ, ఎంఐఎం పార్టీలకు చెందిన కౌన్సిలర్లకు మాట్లాడే అవకాశం ఇవ్వకుండా ఎజెండాను ఆమోదించారని కౌన్సిలర్లు నిరసన వ్యక్తం చేశారు. ఈ సమావేశంలో పలు అంశాలు, సమస్యలపై చర్చ నిర్వహించాల్సి ఉండగా.. అలాంటిదేమీ లేకుండా నేరుగా ఎజెండా ఆమోదించడం ఎంతవరరకు సబబన్నారు. కౌన్సిలర్లకు మాట్లాడే అవకాశం కల్పించిన అనంతరం ఎజెండా అంశాలపై నిర్ణయం తీసుకోవాలని డిమాండ్ చేశారు.
ఈ విషయమై సమావేశంలో అధికారులకు, అధికార, విపక్ష కౌన్సిలర్ల మధ్య వాగ్వాదం జరిగింది. అనంతరం కమిషనర్ మీటింగ్ హాల్ నుంచి బయటకు వెళ్లిపోతుండగా వైస్ఛైర్మన్ ఆధ్వర్యంలో బీజేపీ, ఎంఐఎం కౌన్సిలర్లు అడ్డుకుని ఘెరావ్ చేశారు. దీంతో పరిస్థితి అదుపు తప్పకుండా పోలీసులు వారిని సముదాయించారు. వైస్ ఛైర్మన్ మీర్ ఇలియాస్ అలీ, బీజేపీ ఫ్లోర్ లీడర్ కొల్లిపాక రేణుక, కౌన్సిలర్లు తమ నిరసన వ్యక్తం చేశారు.
ఇది కూడా చదవండి..: Sign Language Day | బధిరులకు అండగా ఉంటా..: అర్బన్ ఎమ్మెల్యే ధన్పాల్
