అక్షరటుడే, నిజామాబాద్ సిటీ: Nizamabad Police Station | పోలీస్ స్టేషన్కు వచ్చే బాధితులతో పోలీసులు మర్యాదగా ప్రవర్తించాలని సీపీ సాయిచైతన్య (CP Sai Chaitanya) పేర్కొన్నారు. నగరంలోని మహిళా పోలీస్స్టేషన్ను మంగళవారం ఆయన తనిఖీ చేశారు.
Nizamabad Police Station | కిట్ ఆర్టికల్స్ తనిఖీలు..
ముందుగా పోలీసుల గౌరవ వందనం స్వీకరించిన సీపీ అనంతరం స్టేషన్ను క్షుణ్ణంగా తనిఖీ చేశారు. అనంతరం సిబ్బందికి సంబంధించినటువంటి కిట్ ఆర్టికల్స్ను పరిశీలించారు. పోలీస్ స్టేషన్లోని కేసుల నమోదు, దర్యాప్తు పురోగతి, పెండింగ్ కేసులు, ఫిర్యాదుల పరిష్కారం, స్టేషన్ రికార్డుల నిర్వహణ, సిబ్బంది విధుల నిర్వహణ తదితర అంశాలను సీపీ పరిశీలించారు. మహిళలు, బాలికలకు సంబంధించిన ఫిర్యాదులపై పోలీసులు త్వరితగతిన స్పందించి బాధితులకు భరోసా కల్పిస్తూ సేవలందించాలని సూచించారు. మహిళా బాధితులు తమ సమస్యలను ఎటువంటి భయాందోళనలు లేకుండా పోలీసులకు తెలియజేసే విధంగా వారికి అనుకూలమైన వాతావరణాన్ని కల్పించాలని ఆదేశించారు.
సిబ్బందిని ఉద్దేశించి మాట్లాడుతూ అధికారులు, సిబ్బంది 24గంటలు తమ హెడ్ క్వార్టర్స్లో అందుబాటులో ఉండాలన్నారు. దూర ప్రాంతాల నుండి ప్రయాణాలకు దూరంగా ఉండాలని.. సిబ్బంది ప్రతి ఆర్నెళ్లకొకసారి హెల్త్ చెకప్ చేయించుకోవాలన్నారు. ముఖ్యంగా బైక్ నడిపేటప్పుడు హెల్మెట్ తప్పనిసరిగా ధరించాలని అన్నారు. ట్రాఫిక్ రూల్స్ను పాటిస్తూ ఇతరులకు ఆదర్శంగా ఉండాలని సూచించారు. ఏసీపీ ప్రకాష్, మహిళా పోలీస్ స్టేషన్ ఇన్స్పెక్టర్ శ్రీలత, ఎస్సైలు రహమతుల్లా, రాజేశ్వర్, జాన్సన్ పాల్గొన్నారు.
ఇది కూడా చదవండి..: Bodhan Municipal Meeting | బల్దియా సమావేశంలో కౌన్సిలర్లను మాట్లాడనివ్వరా..?
