అక్షరటుడే, నిజామాబాద్ సిటీ: Nizamabad Medical College | వైద్య విద్యార్థులకు గుడ్ న్యూస్ ఇది.. నిజామాబాద్ మెడికల్ కళాశాలకు (Nizamabad) నేషనల్ మెడికల్ కమిషన్ (NMC) పరిధిలోని మెడికల్ అసెస్‌మెంట్ అండ్ రేటింగ్ బోర్డు (MARB) అదనంగా 17 పీజీ (PG) వైద్య విద్య సీట్లకు అనుమతి మంజూరు చేసింది. అలాగే గతంలో 2026–2027కు గాను ఎన్ఎంసీ నుంచి 30 ఎంబీబీఎస్ సీట్లను సైతం కేటాయించారు.
Nizamabad Medical College | నాలుగు విభాగాల్లో పీజీ సీట్లు..
నిజామాబాద్ మెడికల్ కళాశాలకు 17 అదనపు పీజీ సీట్లు నాలుగు విభాగాల్లో కేటాయించారు. కమ్యూనిటీ మెడిసిన్లో 4 సీట్లు, అనస్థీషియాలజీకి 6 సీట్లు, పాథాలజీకి 4 సీట్లు, ప్రసూతి, స్త్రీరోగ వైద్య విభాగంకు 3 సీట్లు కేటాయించారు. ఇప్పటికే కళాశాలలో 81 పీజీ సీట్లు ఉండగా, తాజాగా మంజూరైన 17 అదనపు సీట్లతో 2026–2027 విద్యా సంవత్సరానికి మొత్తం పీజీ సీట్ల సంఖ్య 98కి చేరింది.
Nizamabad Medical College | యూజీ సీట్ల పెంపుతో విద్యార్థులకు లాభం..
2026–2027 విద్యా సంవత్సరానికి గాను ఎన్ఎంసీ యూజీ సీట్లను సైతం పెంచింది. గతంలో 120 ఎంబీబీఎస్ సీట్లు ఉండగా మరో 30సీట్లు పెంచుతూ ఇటీవల ఉత్తర్వులు జారీ చేసింది. దీంతో మొత్తంగా కళాశాలకు 150సీట్లు కేటాయించినట్లయ్యింది.
ఇది కూడా చదవండి: రోజుకి ఒక బకెట్.. పీజీ హాస్టల్ హాస్టల్ యువతి ఆవేదన
