అక్షరటుడే, వెబ్డెస్క్: Orient Cables IPO | నెట్‌వర్కింగ్ కేబుల్స్ మరియు పాసివ్ నెట్‌వర్కింగ్ పరికరాల రంగంలో అగ్రగామి సంస్థలలో ఓరియంట్ కేబుల్స్ ఒకటి. బ్రాడ్‌బ్యాండ్, టెలికాం, డేటా సెంటర్లు, పునరుత్పాదక శక్తి, స్మార్ట్ బిల్డింగ్ ఆటోమేషన్/సెక్యూరిటీ, సిస్టమ్ ఇంటిగ్రేషన్, ఆటోమోటివ్ వంటి అధునాతన పరిశ్రమలకు కేబుల్స్, పరికరాలను అందిస్తోంది. 2025 ఆర్థిక సంవత్సరంలో సుమారు 22 శాతం మార్కెట్ వాటాతో దేశంలోని టాప్ ఐదు నెట్‌వర్కింగ్ కేబుల్ కంపెనీలలో ఇది ఒకటిగా నిలిచింది.
Orient Cables IPO | రూ. 552 కోట్ల ఐపీవో..
మార్కెట్‌నుంచి రూ. 552 కోట్లు సమీకరించాలన్న లక్ష్యంతో ఈ కంపెనీ ఐపీవో (IPO)కు వచ్చింది. ఇందులో రూ. 320 కోట్లు ఫ్రెష్ ఇష్యూ. మిగిలినది ఆఫర్ ఫర్ సేల్.
Orient Cables IPO | మంచి డిమాండ్..
ఓరియంట్ కేబుల్స్ కంపెనీ ఐపీవోకు ఇన్వెస్టర్లనుంచి మంచి డిమాండ్ లభించింది. మొత్తం ఇష్యూ 97.28 రెట్లు సబ్‌స్క్రైబ్ అయ్యింది. ఇందులో క్యూఐబీ కోటా 192.68 రెట్లు, ఎన్ ఐఐ కోటా 121.90 రెట్లు, రిటైల్ కోటా 32.21 రెట్లు ఓవర్ సబ్‌స్క్రైబ్ అయ్యాయి.
Orient Cables IPO | భారీ లిస్టింగ్ గెయిన్స్..
కంపెనీ షేర్లకు గ్రే మార్కెట్‌లో మంచి డిమాండ్ కనిపించింది. సోమవారం ఉదయం జీఎంపీ 40 శాతంగా ఉంది. కంపెనీ ఒక్కో ఈక్విటీ షేరును రూ. 272కు విక్రయించగా.. సోమవారం ఉదయం 65.44 శాతం లాభాలతో రూ. 450 వద్ద లిస్టయ్యింది. అయితే లిస్టింగ్ తర్వాత నిరాశపరిచింది. కొద్దిసేపటిలోనే రూ. 405కు పడిపోయి లోయర్ సర్క్యూట్‌ను తాకింది. మొత్తానికి ఐపీవో అలాట్ అయినవారికి తొలిరోజు 48.90 శాతం లాభాలను అందించింది.
ఇదికూడా చదవండి: India US Trade Deal | ట్రేడ్ డీల్‌పై ఆర్థిక మంత్రి సంచలన ప్రకటన.. ఇక ఆశలు వదులుకోవాల్సిందేనా?
