అక్షరటుడే, వెబ్డెస్క్ : Palk Strait Swim Record | జార్ఖండ్ (Jharkhand)కు చెందిన ఏడేళ్ల బాలుడు ఇషాంక్ రికార్డు సృష్టించాడు. కేవలం 9 గంటల 50 నిమిషాల్లోనే పాక్ జలసంధిని (Palk Strait) 29 కిలోమీటర్ల మేర ఈది ప్రపంచ రికార్డు సృష్టించాడు. ఈ మార్గాన్ని విజయవంతంగా పూర్తి చేసిన అత్యంత పిన్న వయస్కుడిగా అతను నిలిచాడు.
ఇషాంక్ శుక్రవారం పాక్ జలసంధి (Palk Strait)ని ఈదాడు. జార్ఖండ్లోని రాంచీకి చెందిన ఇషాంక్ సింగ్, భారత్-శ్రీలంకల మధ్య ఉన్న ఈ జలసంధిని 9 గంటల 50 నిమిషాల్లో విజయవంతంగా దాటాడు. బలమైన ప్రవాహాలు, సముద్రపు అలలు, అనూహ్యమైన వాతావరణం కారణంగా ఈ జలమార్గం సవాలుతో కూడుకున్నది. అయినప్పటికీ, సింగ్ ఈ అడ్డంకులను అధిగమించి, శ్రీలంకలోని తలైమన్నార్ నుండి ధనుష్కోడిలోని అరిచల్మునై వరకు ఉన్న 29 కిలోమీటర్ల దూరాన్ని పూర్తి చేశాడు.
Palk Strait Swim Record | ఘన స్వాగతం
ఇషాంక్ ఉదయం 4 గంటలకు తన ఈతను ప్రారంభించి మధ్యాహ్నం 1:50 గంటలకు పూర్తి చేశాడు. అతను రామేశ్వరం ఇసుకపై అడుగుపెట్టగానే అధికారులు, మద్దతుదారులు ఘనంగా స్వాగతం పలికారు. బాలుడు సాధించిన ఈ ఘనతను జార్ఖండ్ ముఖ్యమంత్రి హేమంత్ సోరెన్ (Jharkhand CM Hemant Soren) ప్రశంసించారు. ఇషాంక్ విజయం క్రమశిక్షణకు, తన లక్ష్యం పట్ల అచంచలమైన అంకితభావానికి ఒక అద్భుతమైన ఉదాహరణ అని పేర్కొన్నారు. అతను జార్ఖండ్కే కాకుండా యావత్ దేశానికి గర్వకారణం అయ్యాడని కొనియాడారు. గతంలో ఈ రికార్డు తమిళనాడుకు చెందిన జయ జశ్వంత్ పేరిట ఉండేది. అతను 2019లో తన 10వ ఏట 10 గంటల 30 నిమిషాల్లో ఈతను పూర్తి చేశాడు.
ఇది కూడా చదవండి..: Dosa Global Ranking | ప్రపంచ వేదికపై సత్తా చాటిన మన దోశ.. టాప్-50 పాన్కేక్స్ జాబితాలో మూడు భారతీయ రుచులు
[…] ఇది కూడా చదవండి..: Palk Strait Swim Record | పాక్ జలసంధిని ఈదిన బుడతడు.… […]