అక్షరటుడే, వెబ్డెస్క్: RTC Driver Death | తెలంగాణ ఆర్టీసీ ఉద్యోగుల సమ్మెలో విషాదం నెలకొంది. వరంగల్ జిల్లా నర్సంపేటలో ఈరోజు (గురువారం) మధ్యాహ్నం పెట్రోల్ పోసుకొని నిప్పంటించుకున్న RTC డ్రైవర్ శంకర్ గౌడ్ మరణించారు.
RTC Driver Death | కర్మాన్ఘాట్ సమీపంలో..
80 శాతం కాలిన గాయాలతో తీవ్రంగా గాయపడిన ఆయన్ను వరంగల్ నుంచి హైదరాబాద్కు తీసుకెళ్తుండగా.. కర్మాన్ ఘాట్ సమీపంలో ఆయన పరిస్థితి విషమించి కన్నుమూశారు. ప్రస్తుతం కంచన్బాగ్ DRDO అపోలో ఆస్పత్రిలో శంకర్గౌడ్ మృతదేహం ఉన్నట్లు సమాచారం.
ఈ ఘటనతో ఆర్టీసీ సమ్మెలో తీవ్ర ఉద్రిక్తత నెలకొంది. ఉద్యోగి మృతిపై సహోద్యోగులు, కార్మిక సంఘాల నేతలు తీవ్ర ఆవేదన వ్యక్తం చేస్తున్నారు. అధికారులు ఘటనపై విచారణ చేపట్టినట్లు సమాచారం.
RTC Driver Death | భద్రాద్రిలోనూ..
భద్రాద్రి కొత్తగూడెం జిల్లాలో మరో ఆర్టీసీ డ్రైవర్ ఆత్మహత్యాయత్నం చేశాడు. భద్రాచలం (Badrachalam) ఆర్టీసీ డిపోలో డ్రైవర్గా పనిచేస్తున్న డి.లింగారెడ్డి పురుగుల మందు తాగారు. తోటి కార్మికులు గమనించి అతడిని చికిత్స నిమిత్తం ఆస్పత్రికి తరలించారు. పరిస్థితి విషమంగా ఉన్నట్లు వైద్యులు తెలిపారు. ఇప్పటి వరకు ముగ్గురు డ్రైవర్లు ఆత్మహత్యాయత్నం చేయగా.. అందులో శంకర్గౌడ్ మరణించారు.
దీనిని కూడా చదవండి : RTC Strike Issues | కొనసాగుతున్న ఆర్టీసీ సమ్మె.. ప్రైవేట్ వాహనాల దోపిడీ
