అక్షరటుడే, వెబ్డెస్క్ : Savarkar Quiz Question | సావర్కర్ గురించి క్విజ్లో ప్రశ్న అడిగినందుకు ఓ ఉపాధ్యాయుడిపై వేటు పడింది. ఈ ఘటన కేరళం (Keralam)లో చోటు చేసుకుంది.
సోషల్ సైన్స్ క్లబ్ ఫ్రీడమ్ క్విజ్ 2026 ప్రశ్నావళిలో వీడీ సావర్కర్ను బ్రిటిష్ వారి చేతిలో అత్యధిక శిక్షను పొందిన స్వాతంత్ర్య సమరయోధుడుగా అభివర్ణిస్తూ సమాధానం ఇచ్చినందుకు, ఒక పాఠశాల ఉపాధ్యాయుడిని సస్పెండ్ చేయాలని కేరళ సాధారణ విద్యా శాఖ ఆదివారం ఆదేశించింది. కాసరగోడ్లోని కుంబ్లా ఉప-జిల్లాలో గల పల్లతడ్క ఎయిడెడ్ అప్పర్ ప్రైమరీ స్కూల్ (AUPS) ఉపాధ్యాయుడు గురు ప్రసాద్ను అధికారులు స్పస్పెండ్ చేశారు.
Savarkar Quiz Question | ఏం జరిగిందంటే..
కుంబ్లా, మంజేష్వర్ ఉప-జిల్లాల పరిధిలోని పాఠశాలల్లో లోయర్ ప్రైమరీ, అప్పర్ ప్రైమరీ, హైస్కూల్ విభాగాల విద్యార్థుల కోసం ఆగస్టు 6న పాఠశాల స్థాయి సోషల్ సైన్స్ క్లబ్ ఫ్రీడమ్ క్విజ్ 2026 నిర్వహించారు. లోయర్ ప్రైమరీ విభాగం ప్రశ్నాపత్రంలో 15 ప్రశ్నలు, ఐదు టై-బ్రేకర్ ప్రశ్నలు ఉన్నాయి. బ్రిటిష్ వారి చేతిలో అత్యధిక శిక్ష పొందిన స్వాతంత్ర్య సమరయోధుడు ఎవరు అందులో ఓ ప్రశ్న ఉంది. దానికి సమాధానంగా వీడీ సావర్కర్ అని ఉపాధ్యాయుడు పేర్కొన్నారు. దీనిపై నిరసనలు వ్యక్తం కావడంతో ప్రభుత్వం ఆయనను సస్పెండ్ చేసింది.
Savarkar Quiz Question | ఆర్ఎస్ఎస్తో కుమ్మక్కు
యూడీఎఫ్ ప్రభుత్వం ఆర్ఎస్ఎస్తో కుమ్మక్కు అవుతోందని, సావర్కర్ నిజమైన చరిత్రను దాచిపెట్టి, ఆయనను కీర్తించడానికి ప్రయత్నాలు జరుగుతున్నాయని సీపీఐ(ఎం) సీనియర్ నాయకుడు పినరయి విజయన్ ఆరోపించారు. గురు ప్రసాద్ నేతృత్వంలోని ఉపాధ్యాయుల బృందం ఈ ప్రశ్నపత్రాన్ని తయారు చేసింది. విచారణ అనంతరం, బాధ్యులైన ఉపాధ్యాయులపై క్రమశిక్షణా చర్యలు తీసుకోవాలని డిప్యూటీ డైరెక్టర్ ఆఫ్ ఎడ్యుకేషన్ సిఫార్సు చేశారు. దీంతో గురు ప్రసాద్ను సస్పెండ్ చేశారు.
దీనిని కూడా చదవండి : Medico Priyanka Death | చికిత్స పొందుతూ మెడికో ప్రియాంక మృతి
