అక్షరటుడే, వెబ్డెస్క్ : Singareni New Jobs | సింగరేణికి పూర్వ వైభవం తెస్తామని మంత్రి వివేక్ వెంకట స్వామి (Minister Vivek Venkat Swamy) అన్నారు. కొత్త గనులను తీసుకురావడం ద్వారా కొత్త ఉపాధి అవకాశాలను కల్పించడమే తమ ప్రభుత్వ లక్ష్యమని తెలిపారు.
కార్మిక, ఉపాధి, గనులు, భూగర్భ వనరుల శాఖ మంత్రి వివేక్ వెంకటస్వామి గురువారం మందమర్రి సింగరేణి ప్రాంతంలోని KK-5 గని భూగర్భ విభాగానికి కార్మికులతో కలిసి వెళ్లారు. ఆయన గని లోపల పని పరిస్థితులను పరిశీలించారు, అలాగే కార్మికుల సమస్యలు తెలుసుకున్నారు. PRC బకాయిలకు సంబంధించిన ఆదాయపు పన్ను సమస్యలను పరిష్కరించాలని కార్మికులు కోరారు. అలాగే సొంత ఇల్లు కలిగి ఉండాలనే తమ కలను నెరవేర్చుకోవడంలో సహకరించాలని కూడా వారు విజ్ఞప్తి చేశారు.
Singareni New Jobs | బీఆర్ఎస్పై విమర్శలు
మంత్రి మాట్లాడుతూ బీఆర్ఎస్ ప్రభుత్వ (BRS Government) హయాంలో సింగరేణిని పూర్తిగా నిర్లక్ష్యం చేశారని విమర్శించారు. వారి హయాంలో సంస్థ ఆర్థికంగా దోపిడీకి గురైందన్నారు. ఒక్క కొత్త గనిని కూడా ప్రారంభించలేదని పేర్కొన్నారు. కార్మికులకు పూర్తి భద్రతా ప్రమాణాలను కల్పిస్తూనే, నాణ్యమైన బొగ్గు ఉత్పత్తిని సాధించడంపై దృష్టి సారించాలని ఆయన సూచించారు. అనంతరం KK-5 గని వద్ద ‘శ్రమ్ శక్తి’ పురస్కార గ్రహీత యెడుకోల పవన్ కుమార్ గౌరవార్థం ఏర్పాటు చేసిన సన్మాన కార్యక్రమంలో మంత్రి పాల్గొన్నారు.
Singareni New Jobs | టెండర్లలో పాల్గొంటాం
కేంద్ర ప్రభుత్వం ప్రవేశపెట్టిన చట్టాలకు అనుగుణంగా, బొగ్గు బ్లాకుల టెండర్లలో సింగరేణి పాల్గొనేలా తెలంగాణ ప్రభుత్వం చర్యలు తీసుకుంటోందని మంత్రి వెల్లడించారు. ఉద్యోగ విరమణ చేసిన కార్మికులకు రూ. 10 వేల పింఛను లభించేలా పార్లమెంటులో ఎంపీ వంశీ కృష్ణ కృషి చేస్తున్నారని తెలిపారు. RKP ఓపెన్కాస్ట్ ఫేజ్-2 ప్రాజెక్టు ద్వారా దాదాపు 5 వేల మందికి ఉద్యోగాలు లభిస్తాయని ఆయన పేర్కొన్నారు. అటవీ అనుమతులు అందిన వెంటనే గని పనులు ప్రారంభమవుతాయని తెలిపారు.
ఇది కూడా చదవండి..: Hyderabad Drugs Seizure | హైదరాబాద్లో భారీగా డ్రగ్స్ స్వాధీనం
