అక్షరటుడే వెబ్‌డెస్క్: Srisailam Temple History | పన్నెండు జ్యోతిర్లింగాలలో ( Jyotirlinga ) ఒకటిగా, అష్టాదశ శక్తిపీఠాలలో ఒకటిగా విరాజిల్లుతున్న పరమ పవిత్ర పుణ్యక్షేత్రం శ్రీశైలం. ఈ మహా క్షేత్రం గొప్పతనం, దాని మహిమ గురించి పురాణాల్లో ఎంతో అద్భుతంగా చెప్పారు. శ్రీశైల క్షేత్రంలోకి అడుగుపెట్టిన ప్రతి ఒక్కరికీ సకల విశేషాలు, పుణ్య ఫలాలు దక్కుతాయని విశ్వాసం. ఈ సృష్టిలో ఈ పర్వతంతో సమానమైన మరో పర్వతం లేదంటే అతిశయోక్తి కాదు. అంతటి దివ్యమైన స్థితిని ఈ క్షేత్రం సొంతం చేసుకుంది.
Srisailam Temple History | శ్రీశైల ప్రదక్షణ ఫలం..
శ్రీశైల శిఖరానికి సంబంధించి ఒక అద్భుతమైన నమ్మకం ప్రాచుర్యంలో ఉంది. ఎవరైనా సరే శ్రీశైల శిఖరానికి మూడు సార్లు ప్రదక్షిణ చేసి, ఆ తర్వాత జీవితం ముగిస్తే (శరీరాన్ని విడిచిపెడితే) వారు నేరుగా పరమేశ్వరుడి లోకాన్ని చేరుకుంటారు. అంటే వారికి మోక్షం ప్రాప్తిస్తుంది అనడంలో ఎలాంటి సందేహం అక్కరలేదు. స్వయంగా పరమేశ్వరుడే ఈ పర్వతానికి ఈ గొప్ప పేరును పెట్టారు.
Srisailam Temple History | శ్రీపర్వతంగా పేరు..
పరమశివుని అనుగ్రహంతో వెలసిన ఈ దివ్య క్షేత్రానికి “శ్రీశైలము” అనే పేరు స్థిరపడింది. అందుకే ఈ పర్వతాన్ని భక్తులు అత్యంత భక్తిశ్రద్ధలతో “శ్రీపర్వతం” అని కూడా పిలుస్తుంటారు. మహాశివుని కృపను కోరుకునే భక్తులు జీవితంలో ఒక్కసారైనా శ్రీశైలాన్ని దర్శించుకుని, ఆ మల్లన్న కృపకు పాత్రులవుతుంటారు.
ఇది కూడా చదవండి: Pranavi Urs Gold Medal | గోల్ఫ్లో పసిడి సాధించిన ప్రణవి.. ఆర్చరీలో మరో బంగారు పతకం
