అక్షరటుడే వెబడెస్క్: Star Health Help Desk | భారతదేశ అగ్రగామి ప్రైవేట్ హెల్త్ ఇన్సూరెన్స్ కంపెనీ అయిన స్టార్ హెల్త్ అండ్ అలైడ్ ఇన్సూరెన్స్ కంపెనీ లిమిటెడ్ , ఆసుపత్రిలో చేరే రోగులకు, వారి కుటుంబ సభ్యులకు ప్రత్యక్ష సేవలు అందించేందుకు హైదరాబాద్లోని సోమాజిగూడ యశోద ఆసుపత్రి ( Yashoda Hospitals ), కొంపల్లి కిమ్స్ ఆసుపత్రుల్లో ప్రత్యేక హెల్ప్ డెస్క్లను ప్రారంభించింది. త్వరలోనే కొండాపూర్లోని కిమ్స్ ఆసుపత్రిలో కూడా ఈ సేవలను విస్తరించనున్నారు.
Star Health Help Desk | హెల్ప్ డెస్క్లు అందించే సేవలు..
క్లెయిమ్ విధానాలు, పాలసీ ప్రయోజనాలు, మినహాయింపులు, రీయింబర్స్మెంట్ డాక్యుమెంటేషన్, అలాగే క్యాష్లెస్ చికిత్సకు కావలసిన వివరాలను రోగులకు, వారి కుటుంబ సభ్యులకు ఆసుపత్రిలోనే స్పష్టంగా వివరిస్తారు. రోగులకు సకాలంలో స్పష్టత, మద్దతు అందించడం ద్వారా ఇన్సూరెన్స్ సహాయాన్ని సులభంగా అందుబాటులోకి తెచ్చి, ఆసుపత్రిలో ఎలాంటి ఇబ్బంది రాకుండా చూడటమే ఈ కార్యక్రమ ప్రధాన ఉద్దేశం. ఈ హెల్ప్ డెస్క్లు సోమవారం నుండి శుక్రవారం వరకు, ఉదయం 10:00 గంటల నుండి సాయంత్రం 6:30 గంటల మధ్య పనిచేస్తాయి. వినియోగదారులకు నేరుగా ప్రత్యక్ష సేవలు అందించడానికి ప్రతి సెంటర్లో ఒక ప్రత్యేక ప్రతినిధి అందుబాటులో ఉంటారు. ఈ డెస్క్లు ప్రతి నెలా 550 మందికి పైగా వినియోగదారులకు సపోర్ట్ అందిస్తాయని అంచనా.
తెలంగాణతో పాటు ఇతర ప్రాంతాల నుంచి కూడా హైదరాబాద్కు ప్రత్యేక వైద్య చికిత్సల కోసం అనేకమంది రోగులు వస్తుంటారు. ఆసుపత్రి ప్రాంగణంలోనే ప్రత్యేక ఇన్సూరెన్స్ సేవలను అందుబాటులో ఉంచడం ద్వారా వినియోగదారులు, వారి కుటుంబ సభ్యుల వైద్య ప్రయాణాన్ని మరింత సులభతరం చేయాలని స్టార్ హెల్త్ ఇన్సూరెన్స్ లక్ష్యంగా పెట్టుకుంది.
Star Health Help Desk | ప్రముఖుల ప్రసంగాలు..
స్టార్ హెల్త్ ఇన్సూరెన్స్ పూర్తిస్థాయి డైరెక్టర్ , సీఎంఓ హిమాంశు వాలియా మాట్లాడుతూ, “వినియోగదారులకు స్పష్టత అవసరమైన సమయంలో, ఆసుపత్రిలోనే హెల్త్ ఇన్సూరెన్స్ సహాయం అందుబాటులో ఉండటం ఎంతో విలువైనది. హైదరాబాద్లోని కిమ్స్, యశోద ఆసుపత్రుల్లో ఏర్పాటు చేసిన హెల్ప్ డెస్క్ల ద్వారా క్లెయిమ్లు, పాలసీ సంబంధిత ప్రత్యక్ష సేవలను రోగులకు మరింత దగ్గర చేస్తున్నాం. ఈ భాగస్వామ్యం రోగుల అవసరాలకు వేగంగా స్పందించే, పారదర్శకమైన హెల్త్కేర్ వ్యవస్థను నిర్మించడంలో మా నిబద్ధతను ప్రతిబింబిస్తుంది” అని తెలిపారు.
Star Health Help Desk | రోగులకు క్లెయిమ్ల సంబంధిత గైడెన్స్..
కిమ్స్ హాస్పిటల్స్ సీఈఓ డాక్టర్ అభినయ్ బొల్లినేని మాట్లాడుతూ, “కిమ్స్ హాస్పిటల్స్లో రోగుల సంరక్షణ అనేది అత్యుత్తమ వైద్య సేవలతో పాటు వారికి ఎటువంటి ఇబ్బంది లేని సులభతర వైద్య అనుభూతిని అందించడం. స్టార్ హెల్త్ ఇన్సూరెన్స్తో మా భాగస్వామ్యం, కొంపల్లి కిమ్స్లో ఈ ప్రత్యేక హెల్ప్ డెస్క్ ప్రారంభం ద్వారా రోగులకు క్లెయిమ్ల సంబంధిత గైడెన్స్, పాలసీ సపోర్ట్ సులభంగా అందుబాటులోకి వస్తాయి” అని పేర్కొన్నారు. కొంపల్లిలోని కిమ్స్ ఆసుపత్రిలో నిర్వహించిన ఈ ప్రారంభ కార్యక్రమంలో స్టార్ హెల్త్ ఇన్సూరెన్స్ పూర్తిస్థాయి డైరెక్టర్, సీఎంఓ హిమాంశు వాలియా, ఏపీ , తెలంగాణ బిజినెస్ హెడ్ శ్రీనివాస్ కె.బి.బి, కిమ్స్ ఎగ్జిక్యూటివ్ డైరెక్టర్ , సీఈఓ డాక్టర్ అభినయ్ బొల్లినేని, తెలంగాణ క్లెయిమ్స్ హెడ్ డాక్టర్ నాగరాజ్, హెచ్ఆర్ఎమ్ హెడ్ డాక్టర్ ఉష తదితరులు పాల్గొన్నారు.
ఇది కూడా చదవండి: ASI Promotions Nizamabad | పది మంది హెడ్కానిస్టేబుళ్లకు ఏఎస్సైలుగా పదోన్నతి
