అక్షరటుడే, వెబ్డెస్క్ :Gold ETF Surge | ఆర్థిక అనిశ్చిత పరిస్థితుల నేపథ్యంలో ఫారెక్స్ నిల్వలను కాపాడుకునేందుకు కేంద్రప్రభుత్వం కఠిన చర్యలు తీసుకుంటోంది. ఇందులో భాగంగా బంగారం దిగుమతులను తగ్గించేందుకు సుంకాలను భారీగా పెంచింది. బంగారం, వెండి వంటి లోహాలపై దిగుమతి సుంకాలు 6 శాతం నుంచి 15 శాతానికి పెరిగాయి. దీంతో ఆయా లోహాల ధరలకు రెక్కలొచ్చాయి.
Gold ETF Surge | రూ. 9 వేలు పెరిగిన బంగారం..
హైదరాబాద్ (Hyderabad) బులియన్ మార్కెట్‌లో 24 క్యారెట్ల 10 గ్రాముల బంగారం ధర (Gold Price) రూ. 1.65 లక్షలు దాటింది. ఒక్కరోజే రూ. 9 వేలు పెరగడం గమనార్హం. ఇదే సమయంలో స్వచ్ఛమైన కిలో వెండి ధర రూ. 2.95 లక్షలు దాటింది. ఎంసీఎక్స్ లో గోల్డ్ ఫ్యూచర్స్‌లో 10 గ్రాముల ధర (జూన్ డెలివరీ) 6 శాతం పెరిగి రూ. 1,62,648 లకు, సిల్వర్ ఫ్యూచర్స్‌లో కేజీ ధర (జూలై డెలివరీ) 6 శాతం పెరిగి రూ. 2.95 లక్షలకు చేరాయి.
Gold ETF Surge | ఈటీఎఫ్ లదీ అదే దారి..
దిగుమతి సుంకాల ప్రభావం స్టాక్ మార్కెట్‌ (Stock Market)లోని గోల్డ్ ఈటీఎఫ్‌లపై స్పష్టంగా కనిపించింది. క్వాంటమ్ గోల్డ్ ఫండ్ ధర 15 శాతం పెరిగి ఇంట్రాడేలో రూ. 143.37ను తాకింది. టాటా గోల్డ్ ఈటీఎఫ్ 12 శాతం, జెరోదా గోల్డ్ ఈటీఎఫ్ 9 శాతం మేర పెరిగాయి. సిల్వర్ ఈటీఎఫ్‌లు కూడా పరుగులు తీశాయి. హెచ్‌డీఎఫ్‌సీ, యూటీఐ సిల్వర్ ఈటీఎఫ్‌లు 10 శాతం మేర లాభపడ్డాయి.
ఇది కూడా చదవండి..: Stock Market Closing | హమ్మయ్య.. ఊపిరి పీల్చుకున్న ఇన్వెస్టర్లు.. స్వల్ప లాభాలతో ముగిసిన సూచీలు
