అక్షరటుడే వెబ్డెస్క్: Luminous Festive Collection | రాబోయే పండుగలు, పెళ్లిళ్ల ( Wedding ) సీజన్ను దృష్టిలో ఉంచుకుని ప్రముఖ బ్రాండ్ ‘మిస్సమ్మ’ ప్రత్యేకంగా రూపొందించిన ‘ల్యూమినస్ ఫెస్టివ్ & వెడ్డింగ్ కలెక్షన్’ను మార్కెట్లోకి తెచ్చింది. వధువులు, కుటుంబ సభ్యులు మరియు వివాహాలకు హాజరయ్యే అతిథుల అందాన్ని మరింత ఇనుమడింపజేసేలా ఈ ప్రీమియం శ్రేణి చీరలను తీర్చిదిద్దినట్లు సంస్థ ప్రకటించింది. సాంప్రదాయ ఆకర్షణకు, గొప్పతనానికి మారుపేరైన కంచి పట్టు చీరలు ఈ కలెక్షన్లో ప్రత్యేక ఆకర్షణగా నిలుస్తున్నాయి. పెళ్లి వేడుకలు, ఇతర ముఖ్యమైన కుటుంబ వేడుకల్లో ధరించేందుకు క్లాసిక్ సిల్క్ ప్రియులకు ఇవి అత్యుత్తమ ఎంపికగా ఉంటాయని సంస్థ తెలిపింది.
Luminous Festive Collection | మైసూర్ సిల్క్..
మరీ బరువైన చీరలు ఇష్టపడని వారు, పగటిపూట జరిగే చిన్న వేడుకలు, సమావేశాల్లో అందంగా, హుందాగా కనిపించడానికి మైసూర్ సిల్క్ చీరలు చక్కగా సరిపోతాయి. ఇవి ధరించడానికి ఎంతో సౌకర్యంగా ఉంటాయని పేర్కొన్నారు. సాంప్రదాయతను ఏమాత్రం కోల్పోకుండా, కాలానికి తగినట్లుగా మరింత మోడరన్ లుక్ను కోరుకునే ఆధునిక మహిళల కోసం ప్రత్యేకమైన డిజైనర్ చీరలను ఈ కలెక్షన్లో అందుబాటులో ఉంచారు.
Luminous Festive Collection |ప్రతి వేడుకను చిరస్మరణీయంగా..
ఈ కలెక్షన్ గురించి మిస్సమ్మ సీఈఓ దిలీప్ కుమార్ గోలి మాట్లాడుతూ.. పెళ్లి కోసం చీరను ఎంచుకోవడం ప్రతి మహిళకు ఒక ప్రత్యేక అనుభవమని తెలిపారు. మహిళల అభిరుచికి తగ్గట్టుగా సంప్రదాయాన్ని, ఆధునికతను జోడించి ఈ ‘ల్యూమినస్’ శ్రేణిని రూపకల్పన చేశామని, ప్రతి వేడుకను ఇది మరింత చిరస్మరణీయంగా మారుస్తుందని ఆయన పేర్కొన్నారు. ఈ సరికొత్త ‘ల్యూమినస్ ఫెస్టివ్ & వెడ్డింగ్ కలెక్షన్’ చీరలు మిస్సమ్మ అధికారిక వెబ్సైట్తో పాటు దేశవ్యాప్తంగా ఉన్న అన్ని రిటైల్ విక్రయ కేంద్రాలలో కొనుగోలుకు అందుబాటులో ఉన్నాయి.
ఇది కూడా చదవండి: CP Radhakrishnan | తెలంగాణ విమోచన దినోత్సవానికి హాజరుకానున్న ఉప రాష్ట్రపతి
